spot_img
Categories:

Khutbah Idul Fitri Bahasa Madura: Cem-Macemma Dhusa Tor Cara A Tobhât

- Advertisement -

#Khutbah I

اَللهُ أَكْبَرُ (٩ كالى) تَكْبِيْرَ مَنْ فِى قَلْبِهِ تَاجٌ مُنَوَّرْ. اللهُ أَكْبَرُ تَكْبِيْرَ مَنْ فِى شَأْنِهِ صَلاَحُ مَا بَطَنَ وَمَا ظَهَرْ. اللهُ أَكْبَرُ تَكْبِيْرَ مَنِ اهْتَمَّ بِالْخَيْرِ وَالْبَرّ. اللهُ أَكْبَرُ وَلِلّٰهِ الْحَمْدُ

اَلْحَمْدُ لِلّٰهِ، اَلْحَمْدُ لِلّٰهِ الرَّحْمٰنِ الرَّحِيْمِ الحَنَّانِ الْمَنَّانْ، اَلَّذِيْ مَنَّ عَلَيْنَا شَهْرَ رَمَضَانْ، وَأَنْزَلَ فِيْهِ الْقُرْآنْ، هُدًى لِلنَّاسِ وَبَيِّنَاتٍ مِنَ الْهُدٰى وَالْفُرْقَانْ. وَأَشْهَدُ أَنْ لاَ إِلٰهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ خَيْرَ الأَكْوَانْ. اَللّٰهُمَّ فَصَلِّ وَسَلِّمْ وَبَارِكْ وَمَجِّدْ وَكَرِّمْ وَعَظِّمْ عَلٰى سَيِّدِنَا مُحَمَّدٍ سَيِّدِ وَلَدِ عَدْنَانْ، وَعَلٰى آلِهِ وَصَحْبِهِ وَمَنْ تَبِعَهُمْ اِلٰى يَوْمِ الدِّيْنِ بِإِحْسَانْ، (أَمَّا بَعْدُ). فَيَا أَيُّهَا الإِخْوَانْ، أُوْصِيْكُمْ وَإِيَّايَ نَفْسِيْ بِتَقْوَى اللهِ فِي السِّرِّ وَالْعَلاَنْ، وَاعْلَمُوْا أَنَّ مِنْ سُبُلِ التَّقْوٰى صِيَامُ رَمَضَانْ، كَمَا قَالَ تَعَالىٰ فِى الْفُرْقَانْ : [يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ]. صَدَقَ اللهُ الْحَنَّانْ. وَقَدْ مَضٰى عَلَيْنَا هٰذَا شَهْرُ رَمَضَانْ، فَيَا فَلاَحَ مَنْ صَامَ بِالْإِحْتِسَابِ وَالْإِيْمَانْ، حَتَّى دَخَلَ تَحْتَ قَوْلِ نَبِيِّنَا الْمُصْطَفٰى ﷺ  : [مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ] – رَوَاهُ الإِمَامُ البُخٰرِيُّ بِسَنَدِهِ عَنْ سَيِّدِنَا أَبِي هُرَيْرَةَ لَهُمُ الرِّضْوَانْ. وَيَا فَوْزَ مَنْ حَازَ بِذٰلِكَ رَحْمَةَ الرَّحْمٰنْ، وَنَالَ الْغُفْرَانْ، وَزَهَا بِالرِّضْوَانْ، وَأُجِيْرَ مِنَ النِّيْرَانْ، ومُنَّ بِيُمْنِ الْجِنَانْ.

اَللهُ أَكْبَرُ (٣ كالى) وَلِلّٰهِ الْحَمْدُط

ثُمَّ هٰذَا الْيَوْمُ يَوْمٌ عَظِيْم، وَعِيْدٌ كَرِيْم، أَحَلَّ اللهُ لَكُمْ فِيْهِ الطَّعَامْ، وَحَرَّمَ عَلَيْكُمْ فِيْهِ الصِّيَامْ، مَنًّا وَفَضْلاً مِنْ ذِي الْجَلاَلِ وَالإِكْرَامْ. فَيَا إِخْوَانَنَا الْكِرَامْ، أَدْعُوْكُمْ وَإِيَّايَ نَفْسِي اِلٰى اَنْ نَشْكُرَ اللهَ تَعَالٰى عَلٰى هٰذِهِ نِعَمِهِ العِظَامْ، بِإِكْثَارِ التَّكْبِيْرِ وَالتَّحْمِيْدِ وَالتَّسْبِيْحِ وَالتَّهْلِيْلِ والصَّلاَةِ وَالسَّلاَمْ، وَالْأَعْمَالِ الصَّالِحَاتِ مَعَ حِفْظِ الْحُدُوْدِ وَالْأَحْكَامْ، وَالتَّوْبَةِ مِنَ الْمَعَاصِيْ وَالْمَظَالِمِ وَالأَثَامْ، وَاَنْ نَجْعَلَ هٰذَا الْيَوْمَ يَوْمَ تَقْوِيَةِ صِلَةِ الْأَرْحَامْ، كَيْ نَعُوْدَ بِذٰلِكَ فِطْرَةً اِنْسَانِيَّةً بِالْكَمَالِ وَالتَّمَامْ.

اَللهُ أَكْبَرُ (٣ كالى) وَلِلّٰهِ الْحَمْدُط

Jamaah shalat Idil Fitri rahimakumuLlāh…

Alhamdulillah, é aré samangkén bhâdhân kaulâ sareng panjenengan éparéngi lanjhâng omor tor bherkat omor saéngghâ ghik bisa apangghi polé é aré telas fitri kakdinto salastaréna bhâdhân kaulâ sareng panjenengan sami-sami alaksanaagi kawâjibhân apoasa Ramadhan sé abiddhâ sabulân bhenténg. Malar mandhâr poasa tor sadhâjâ amal ibâdâ bhâdhân kaulâ sareng panjenengan leres-leres kataréma sareng Allah SubhānaHū wa Ta’ālā, saéngghâ é aré samangkén bhâdhân kaulâ sareng panjenengan malar mandhâr bisa benar-benar abâli dâ’ fitrah insaniyyah, soccé, lebbhâr dari dhusa, karana Allah kasokan ngusot tor nyapora sadhâjâ dhusa bhâdhân kaulâ sareng panjenengan, Āmien yā Rabba-l ‘ālamien.

 

Allāhu Akbar (3x) wa li-Llāhi-l Hamd.

Jamaah shalat Idil Fitri rahimakumuLlāh…

Panapah sé kaator é attas ka’dinto sesuai sareng pan-saponapan dhâdhâbuépon Kanjeng Nabi Muhammad ShallaLlāhu alaihi wa Sallam; antara laén:

عَنْ أَبِي هُرَيْرَةَ رَضِيَ اللهُ عَنهُ ، عَنِ النَّبِيِّ صَلَّى اللهُ عَلَيهِ وَ سَلَّمَ قَالَ : مَنْ قَامَ لَيْلَةَ الْقَدْرِ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ ، وَمَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ (رَوَاهُ البُخَارِيُّ)

Arténa (korang langkong):

“Paséra-paséra oréng sé ngadhekkaghi ibâdâ é malem lailatul qadr karana iman tor namung ngarep ghânjhârân dâri Allah, maka sadhâjâ dhusa sé ampon élakoni kakdinto pasté ésapora sareng Allah. Tor paséra-paséra oréng sé apoasa Ramadhan karana iman tor namung ngarep ghânjhârân dari Allah, maka sadhâjâ dhusa sé ampon élakoni kakdinto pasté ésapora sareng Allah (HR. Imam Bukhari)

Jhughân dâlem hadits laén:

عَنْ أَبِي هُرَيْرَةَ رَضِيَ اللهُ عَنْهُ ، أَنَّ النَّبِيَّ صَلَّى اللهُ عَلَيهِ وَ سَلَّمَ قَالَ : الصَّلَوَاتُ الخَمْسُ وَ الجُمُعَةُ إلَى الجُمُعَةِ وَ رَمَضَانُ إلَى رَمَضَانَ مُكَفِّرَاتٌ لِمَا بَيْنَهُنَّ إذَا اجْتُنِبَتِ الكَبَائِرُ (رَوَاهُ مُسْلِمٌ)

Arténa (korang langkong):

“Antara sholat sé léma’, tor antara sholat jum’at dâ’ sholat Jumat berikutnya, tor antara poasa Ramadhan dâ’ poasa Ramadhan berikutnya kakdinto dhâddhi panebbhussa dhusa angsal tak ngalakoni dhusa-dhusa rajâ” (HR Imam Muslim)

 

Dari jhâjhârbâ’ân-jhâjhârbâ’ân Kanjeng Nabi ShallaLlāhu alaihi wa Sallam kakdinto bisa kita ambil kesimpulan bahwa bhâdhân kaulâ sareng panjenengan benar-benar pantas untuk dâddhi “fitri” alias “soccé” manakala poasa bâdânkaulâ sareng panjenengan benar-benar merupakan puasa sé berkualitas saéngga Allah kasokan nyapora ben ngusot dhusa-dhusa sé ampon kalako. Tor sopajâ poasa bhâdhân kaulâ sareng panjenengan bisa menjadi poasa sé berkualitas, maka paléng bhunten bâdâ 3 syarat se kodu élastaréagi, salaénna syarat-rukun kaangghuy essanah poasa, yakni:

Kapéng sapésan, bhâdhân kaulâ sareng panjenengan kodu apoasa kalabân dhâsar iman. Dhâddhi apoasa bânni namung rok-nurok bhâbâng, tapé lerres-lerres ngaghâli bahwa apoasa ka’dinto hokomma éwajibbhâghi sareng Allah SubhanaHū wa Ta`ālā. Salaén kakdinto, kalabân poasa sé adhâsar iman, bhâdhân kaulâ sareng panjenengan dâlem alaksanaaghi poasana bisa menyadari bahwa poasa kakdinto merupakan sarana kaangghuy taqarrub, yakni masemma’ abâ’ dâ’ Allah SubhanaHū wa Ta`ālā. Dhâddhi bhâdhân kaulâ sareng panjenengan benni namung tertuntut kaangghuy ajhâui parkara-parkara sé bisa dhâddhi bhâttalla poasa mongghu syara’, tapé jughân ajhâui parkara-parkara se bisa dhâddhi bhâttalla ghânjhârânna poasa, akadiyâ al-kizb (adhâbu lécék), al-ghībah (arasanan cella tor aibbhâ oréng laén), an-namīmah (dhu-ngaddhu), an-nazhar bi syahwatin (nguladhi kalabân asarta nafso bhârâi), bân samacemma téngka maksiyat sé laén.

Kapéng duwâ’, bhâdhân kaulâ sareng panjenengan kodhu apoasa kalabân ngarep gânjhârân samata-mata dâri Allah SubhanaHū wa Ta`ālā. Dhâddhi apoasa bânni karana riyā’, terro éalemma manussa, otabâ apoasa kéng karana malo ka tatangghâ, malo ka mattoa, takok dâ’ oréng seppo, bân samacema niyat sé lopot tor nyingla dari atojjhuwân dâ’ Allah.

Kapéng tello’, bhâdhân kaulâ sareng panjenengan tak sampé’ tébhâ ngalakoni parkara-parkara sé termasuk dhusa-dhusa rajâ. Dhâddhi dhusa-dhusa sé bisa katebbhus kalabân ngalakoni amal bhâghus samacem shalat otaba poasa (itupun manabi amal ibâdâ kasebbhut kataréma monggu ajunannepon Allah) kakdinto:

  • dhusa-dhusa kénik (as-shaghāir);
  • bânni dhusa sé aropa adhingghâl kalakoan fardhu;
  • bânni dhusa sé aropa panyakék bân kaniajâ dâ’ oréng laén, baik secara fisik, perasaan otaba harta benda.

 

Allāhu Akbar (3x) wa li-Llāhi-l Hamd.

Jamaah shalat Idil Fitri rahimakumuLlāh…

Dâri beberapa katerrangan para ulama, dhusa-dhusa sé tamaso’ dhusa rajâ (al-kabāir) kakdinto bisa ébâgi-bâgi sebagai berikut:

  1. Dhusa-dhusa rajâ sé berkaitan sareng até; kakdinto meliputi antara laén syirik (nyakotoaghi) Allah, (tamaso’ sadhâjâ karettek sé nyebbâbbâghi murtad), niyat netteppé ngalakoni maksiyat, putus asa dari kabellâsanna Allah, apangrasa aman dari bâbândhuna Allah, bân samacemma.
  2. Dhusa-dhusa rajâ sé berkaitan sareng lésan; ka’dinto meliputi antara laén qadzaf (menuduh zina dâ’ oréng sé bhâghus tanpa madâteng empa’ saksé), persakséan palsu, sompa palsu, seher, bân samacemma.
  3. Dhusa-dhusa rajâ sé berkaitan sareng tabu’; kakdinto meliputi antara laén bu’-mabu’ân, sami saos kalaban khamr otaba narkoba, adhââr harta anak yatim kalaban sewenang-wenang, adhââr harta riba, bân samacemma.
  4. Dhusa-dhusa rajâ sé berkaitan sareng farji’ (kamaloan); kakdinto antara laén zina sareng liwāth (wâték dubur).
  5. Dhusa-dhusa rajâ sé berkaitan sareng tanang duwâ’; kakdinto meliputi antara laén ngicok sareng maté’é tanpa hak sé lerres mongghu aghâma.
  6. Dhusa-dhusa raje sé berkaitan sareng duwa’ soko; kakdinto meliputi antara laén buru dari paperangan jihad sabilillah.
  7. Dhusa-dhusa rajâ sé berkaitan sareng sadhâjâ bâdân; kakdinto meliputi antara laén dhârâka dâk oréngseppo duâ, sangajâ ngakhérraghi shalat dari waktona tanpa udzur, bân samacemma.

Nanging parlo é kaghâli jhughân, akadhiyâ éjelasaghi é dâlem kétab Ihyā’ Ulūmi-d Dīn, saongghuna dhusa-dhusa kéni’ bisa dhâddhi dhusa rajâ kalabân sabâb antara laén:

  1. Manabi dhusa kéni’ kakdinto élakoni ros-terrosan;
  2. Manabi dhusa kéni’ kakdinto éénthengngaghi.

Dalam hal kakdinto, bâdâ khabar:

اَلمُؤْمِنُ يَرٰى ذَنْبَهُ كَالجَبَلِ فَوْقَهُ يَخَافُ أَنْ يَقَعَ عَلَيْهِ . وَالمُنَافِقُ يَرٰى ذَنْبَهُ كَذُبَابٍ مَرَّ عَلَى أَنْفِهِ فَأَطَارَهُ (رَوَاهُ البُخَارِيُّ عَنْ عَبْدِ اللهِ بْنِ مَسْعُودٍ رَضِيَ اللهُ عَنهُ)

Arténa (korang langkong):

“Oréng mukmin kakdinto nguladhi dhusana akadhiyâ gunung sé katon aghincéa abâ’na. Tapé oréng munafik kakdinto nguladhi dhusana namung akadhiyâ lalak sé nyalémbâ’ é adâ’na élonga, sé cokop kalabân é gherrâ”;

  1. Manabi dhusa kéni’ kakdinto é lakoni kalaban tanpa apangrasa sala bân kasta, bahkan élakoni kalabân rassa bangga tor ghumbhirâ;
  2. Manabi dhusa kéni’ ka’dinto é lakoni pas é lâ-kabâlâ otabâ élakoni é dhâng-paddhângnga;
  3. Manabi sé alako dhusa kéni’ kakdinto tamasok oréng sé andik pengikut, saéngghâ lalakonna bisa étoro’ tor étéro oréng laén;
  4. Bân samacemma.

 

Allāhu Akbar (3x) wa li-Llāhi-l Hamd.

Jamaah shalat Idil Fitri rahimakumuLlāh…

Dâri uraian é attas, bhâdhân kaulâ sareng panjenengan bisa memahami bahwa bagaimanapun atobhat dari sadhâjâ dhusa kalaban memenuhi syarat-syarat sah-nah tobhât, yakni:

  • Al Iqlā’ (dhuli ambu);
  • An Nadam (Kasta);
  • Al ‘Azm an lā ya’ūda (asajjhâ tak ngulangna polé);
  • Al Istighfār (anyu’un sapora dâ’ Allah);

étambâ:

  • Maos duwâ’ syahadat (manabi dhusa aropa syirik otabâ murtad); otabâ
  • Al Qadhā’ (nyerraen manabi dhusa aropa adhingghâl fardhu); otabâ
  • Al Istirdhā’ (minta ridha dâ’ oréng sé ékaniajâ fisik/perasaan/artana);

tor patang sapora’an sabhâlâ-tatangghâân tettep aropa’aaghi suatu keharusan tor kawajibhan mongghu kita sadhâjâ.

 

Jamaah sidang sholat Idil Fitri rahimakumullah…

Sakakdinto sakadhâr khutbah Idil Fitri aré samangkén. Malar mandhâr kabhinareng sareng hidayahépon Allah Subhānahū wa Ta`ālā saéngghâ ponapa-ponapa sé ampon éatorraghi bisa dhâddhi ilmu sé manfaat mongghu bhâdhân kaulâ sareng panjenengan é dunya kantos akhérat, Āmien yā Rabba-l `Ālamien.

 

أَعُوْذُ بِاللهِ مِنَ الشَّيْطَانِ الرَّجِيْمِ. بِسْمِ اللهِ الرَّحْمٰنِ الرَّحِيْمِ [وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ ۖ وَلَئِنْ كَفَرْتُمْ إِنَّ عَذَابِي لَشَدِيْدٌ].

بَارَكَ اللهُ لِىْ وَلَكُمْ فِى القُرْآنِ العَظِيْمِ، وَنَفَعَنِىْ وَإِيَّاكُمْ بِمَا فِيْهِ مِنَ الأٰيَاتِ وَالذِّكْرِ الْحَكِيْم، وَتَقَبَّلَ مِنِّى وَمِنْكُمْ تِلاَوَتَهُ إِنَّهُ هُوَ الْغَفُوْرُ الرَّحِيْم.

اَللهُ أَكْبَرُ (٣ كالى) وَلِلّٰهِ الْحَمْدُط

 

 

#Khutbah II

اَللهُ أَكْبَرُ (٧ كالى) كَبِيْرًا وَالْحَمْدُ لِلّٰهِ كَثِيْرًا وَسُبْحَانَ اللهِ بُكْرَةً وَأَصِيْلاً

اَلْحَمْدُ لِلّٰهِ نَحْمَدُهُ كَمَا يَحْمَدُ الْحَامِدُوْن. وَنَشْكُرُهُ كَمَا يَشْكُرُ الشَّاكِرُوْن. وَأَشْهَدُ أَنْ لَآ إِلٓهَ إِلَّا اللهُ وَأَشْهَدُ أَنَّ سَيِّدَنَا مُحَمَّدًا رَسُوْلُ اللهِ كَمَا يَشْهَدُ الْمُوَحِّدُوْنَ الْمَهْدِيُّوْنَ الْمَرْضِيُّوْن. اَللّٰهُمَّ صَلِّ وَسَلِّمْ وَبَارِكْ عَلٰى سَيِّدِنَا مُحَمَّدِنِالَّذِىْ بِإِرْسَالِهِ تُرْحَمُ الْعَالَمُوْن، وَعَلٰى آلِهِ وَصَحْبِهِ الَّذِيْنَ هُمْ لِإِعْلاَءِ الدِّيْنِ  يُجَاهِدُوْن. (أَمَّا بَعْدُ) فَيَا أَيُّهَا النَّاسْ، اِتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْن. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ، وَثَـنّٰى بِمَلآئِكَتِهِ، فَقَالَ تَعَالَى وَلَمْ يَزَلْ قَائِلاً عَلِيْمًا: [إِنَّ ٱللَّهَ وَمَلَـٰٓئِكَتَهُۥ يُصَلُّونَ عَلَى ٱلنَّبِيِّ ۚ يَـٰٓأَيُّهَا ٱلَّذِينَ أٰمَنُوا صَلُّوا عَلَيْهِ وَسَلِّمُوا تَسْلِيمًا]. (آمِيْنَ) اللهم صَلِّ عَلٰى سَيِّدِنَا مُحَمَّدٍ وَعَلٰى آلِ سَيِّدِنَا مُحَمَّدْ، كَمَا صَلَّيْتَ عَلٰى سَيِّدِنَا إِبْرَاهِيْمَ وَعَلٰى آلِ سَيِّدِنَا إِبْرَاهِيْم، وَبَارِكْ عَلٰى سَيِّدِنَا مُحَمَّدٍ وَعَلٰى آلِ سَيِّدِنَا مُحَمَّدْ، كَمَا بَارَكْتَ عَلٰى سَيِّدِنَا إِبْرَاهِيْمَ وَعَلٰى آلِ سَيِّدِنَا إِبْرَاهِيْمَ فِى الْعَالَمِيْن. إِنَّكَ حَمِيْدٌ مَجِيْد. وَارْضَ اللّٰهُمَّ عَنِ اْلخُلَفَآءِ الرَّاشِدِيْنَ الَّذِيْنَ قَضَوْا بِالْحَقِّ وَكَانُوْا بِهِ يَعْدِلُوْن، أَبِيْ بَكْرٍ وَعُمَرَ وَعُثْمَانَ وَعَلِيٍّ، وَعَنِ السِّتَّةِ الْمُتَمِّمِيْنَ لِلْعَشَرَةِ الْكِرَامْ، وَعَنْ سَائِرِ أَصْحَابِ نَبِيِّكَ أَجْمَعِيْن. وَعَنِ التَّابِعِيْن، وَتَابِعِي التَّابِعِيْن، وَمَنْ تَبِعَهُمْ بِإِحْسَانٍ إِلٰى يَوْمِ الدِّيْن. اَللهم لاَ تَجْعَلْ لِأَحَدٍ مِنْهُمْ فِى عُنُقِنَا ظُلاَمَةْ. وَنَجِّنَا بِحُبِّهِمْ مِنْ أَهْوَالِ يَوْمِ الْقِيَامَةْ. اَللهم أَعِزَّ الْإِسْلاَمَ وَالْمُسْلِمِيْن. وَأَهْلِكِ الْكَفَرَةَ وَالْمُشْرِكِيْنَ. وَأَعْلِ كَلِمَتَكَ إِلٰى يَوْمِ الدِّيْنِ. اللهم رَبَّنَا تَقَبَّلْ مِنَّا صَلاَتَنَا وَصِيَامَنَا وَقِيَامَنَا وَقِرَآءَتَنَا وَرُكُوْعَنَا وَسُجُوْدَنَا وَقُعُوْدَنَا وَتَسْبِيْحَنَا وَتَكْبِيْرَنَا وَتَحْمِيْدَنَا وَتَهْلِيْلَنَا وَاسْتِغْفَارَنَا وَدُعَآئَنَا وَتَضَرُّعَنَا وَتَخَشُّعَنَا وَتَعَبُّدَنَا وَتَمِّمْ تَقْصِيْرَنَا وَلاَ تَضْرِبْ بِّـهَا وُجُوْهَنَا يَا إِلٰهَ الْعَالَمِيْنَ وَيَا خَيْرَ النَّاصِرِيْنَ. اَللهم اغْفِرْ لِلْمُسْلِمِيْنَ وَالْمُسْلِمَاتْ، وَالْمُؤْمِنِيْنَ وَالْمُؤْمِنَاتْ، اَلْأَحْيَاءِ مِنْهُمْ وَالْأَمْوَاتْ، بِرَحْمَتِكَ يَا وَاهِبَ الْعٰطِيَّاتْ. اَللهم ادْفَعْ عَنَّا الْغَلاَءْ وَالْوَبَاءْ وَالرِّبَا وَالزِّنَا وَالزَّلاَزِلَ وَالْمِحَنْ، وَسُوْءَ الْفِتَنِ مَا ظَهَرَ مِنْهَا وَمَا بَطَنْ، عَنْ بَلَدِنَا هٰذَا خَآصَّةْ، وَعَنْ سَائِرِ بِلاَدِ المُسْلِمِيْنَ عَآمَّةْ، يَا رَبَّ الْعَالَمِيْنَ. رَبَّنَا أٰتِنَا فِى الدُّنْيَا حَسَنَةً وَفِي الأٓخِرَةِ حَسَنَةً وَقِنَا عَذَابَ النَّارِ.

اَللهُ أَكْبَرُ (٣ كالى) وَلِلّٰهِ الْحَمْدُط

عِبَادَ اللهْ، إِنَّ اللهَ يَأْمُرُ بِالْعَدْلِ وَالْإِحْسَانْ، وَإِيْتَاءِ ذِى الْقُرْبٰى وَيَنْهٰى عَنِ الْفَحْشآءِ وَالْمُنْكَرِ وَالْبَغْيْ. يَعِظُكُمْ لَعَلَّكُمْ تَذَكَّرُوْن. فَاذْكُرُوْااللهَ الْعَظِيْمَ، يَذْكُرْكُمْ. وَاشْكُرُوْهُ عَلٰى نِعَمِهِ، يَزِدْكُمْ . وَاسْئَلُوْهُ مِنْ فَضْلِهِ، يُعْطِكُمْ. وَلَذِكْرُ اللهِ أَعَزُّ وَأَجَلُّ وَأَتَمُّ وَأَكْبَرْ.

اَللهُ أَكْبَرُ (٣ كالى) وَللهِ الْحَمْدط


    • Penyusun: KH. M. ZAINUR RAHMAN HAMMAM (Wakil Rais Syuriyah PCNU Sumenep)
    • Ditebitkan atas kerjasama: LTM & LTN PCNU Sumenep
  • File khutbah di atas dalam bentuk PDF ukuran A4, klik tombol di bawah ini.

DOWNLOAD

- Advertisement -

1 KOMENTAR

TINGGALKAN KOMENTAR

Silakan masukkan komentar anda!
Silakan masukkan nama Anda di sini
Captcha verification failed!
Skor pengguna captcha gagal. silahkan hubungi kami!
Fahri Farghiz
Fahri Farghiz
Hanya manusia biasa yang ingin selalu belajar. Tidak ada yang istimewa.
Tetap Terhubung
16,985FansSuka
5,481PengikutMengikuti
2,458PengikutMengikuti
61,453PelangganBerlangganan
Rekomendasi

TerkaitBaca Juga

TrendingSepekan!

TerbaruUpdate!

Urutan Wali Nikah Dalam Islam

3
Rubrik Lensa Fikih diasuh oleh Kiai Muhammad Bahrul Widad. Beliau adalah Katib Syuriyah PCNU Sumenep, sekaligus Pengasuh PP. Al-Bustan II, Longos, Gapura, Sumenep.   Assalamualaikum warahmatullahi...

Keputusan Bahtsul Masail NU Sumenep: Hukum Capit Boneka Haram

0
Mengingat bahwa permainan sebagaimana deskripsi di atas sudah memenuhi unsur perjudian (yaitu adanya faktor untung-rugi bagi salah satu pihak yang terlibat), sehingga dihukumi haram, maka apapun jenis transaksi antara konsumen dengan pemilik koin adalah haram karena ada pensyaratan judi.
Sumber gambar: Tribunnews.com

Khutbah Idul Adha Bahasa Madura: Sajhârâ Tellasan Reajâ

0
# Khutbah Pertama اللهُ أَكْبَرُ - اللهُ أَكْبَرُ - اللهُ أَكْبَرُ - اللهُ أَكْبَرُ - اللهُ أَكْبَرُ - اللهُ أَكْبَرُ - اللهُ أَكْبَرُ - اللهُ...

Khutbah Idul Fitri Bahasa Madura: Hakekat Tellasan

0
# Khutbah I اَللهُ أَكْبَرُ (٩×) لَآ إِلٰهَ اِلَّا اللهُ وَاللهُ أَكْبَرُ، اَللهُ أَكْبَرُ وَلِلّٰهِ الْحَمْدُ، اَللهُ أَكْبَرُ مَا تَعَاقَبَ اللَّيْلُ وَالنَّهَارُ، اَللهُ أَكْبَرُ مَا...