#Khutbah I
اَللهُ أَكْبَرُ اَللهُ أَكْبَرُ اَللهُ أَكْبَرُ. اَللهُ أَكْبَرُ اَللهُ أَكْبَرُ اَللهُ أَكْبَرُ. اَللهُ أَكْبَرُ اَللهُ أَكْبَرُ اَللهُ أَكْبَرُ. اَللهُ أَكْبَرْ كَبِيْرًا وَالْحَمْدُ للهِ كَثِيْرًا وَسُبْحَانَ اللهِ بُكْرَةً وَأَصِيْلاً، لَاإِلهَ إِلاَّ اللهُ وَحْدَهُ، صَدَقَ وَعْدَهُ وَنَصَرَ عَبْدَهُ وَأَعَزَّ جُنْدَهُ وَهَزَمَ الْأَحْزَابَ وَحْدَهُ، لاَإِلهَ إِلاَّ اللهُ وَاللهُ أَكْبَرُ، اَللهُ أَكْبَرُ وَللهِ اْلحَمْدُ. اَلْحَمْدُ للهِ الَّذِيْ أَمَاتَ وَ أَحْيَى. اَلْحَمْدُ للهِ الًّذِيْ أَمَرَنَا بِالتَّقْوَى وَ نَهَانَا عَنِ اتِّبَاعِ الْهَوَى. اَلْحَمْدُ للهِ الَّذِيْ جَعَلَ لَنَا عِيْدَ الْفِطْرِ وَ اْلأَضْحَى. أَشْهَدُ أَنْ لاَ اِلَهَ إِلاَّ اللهُ نِعْمَ الْوَكِيل وَنِعْمَ الْمَوْلَى، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ وَ مَنْ يُنْكِرْهُ فَقَدْ ضَلَّ ضَلاَلاً بَعِيدًا. وَ صَلَّ اللهُ عَلَى سَيِّدِنَا وَ حَبِيْبِنَا الْمُصْطَفَى، مُحَمَّدٍ نَبِيِّ الْهُدَى، الَّذِيْ لاَ يَنْطِقُ عَنْ الْهَوَى، إِنْ هُوَ إِلاَّ وَحْيٌ يُوْحَى، وَ عَلَى اَلِهِ وَ أَصْحَابِهِ أَهْلِ الصِّدقِ وَ الْوَفَا. اللّٰهُمَّ اجْعَلْنَا مِمَنْ اِتَّبَعَهُمْ بِإِحْسَانٍ إِلَى يَوْمِ الْجَزَا. أَمَّا بَعْدُ
فَيَا أيُّهَا الإِخْوَان، أوْصُيْكُمْ وَ نَفْسِيْ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنْ، قَالَ اللهُ تَعَالىَ فِي اْلقُرْانِ اْلكَرِيمْ: أَعُوْذُ بِاللهِ مِنَ الَّشيْطَانِ الرَّجِيْم، بِسْمِ اللهِ الرَّحْمَنِ الرَّحِيْمْ وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا وَمَنْ كَفَرَ فَإِنَّ اللَّهَ غَنِيٌّ عَنِ الْعَالَمِينَ. وقَالَ أَيْضاً إِنَّا أَعْطَيْنَاكَ الْكَوْثَرَ. فَصَلِّ لِرَبِّكَ وَانْحَرْ. إِنَّ شَانِئَكَ هُوَ الْأَبْتَرُ. صَدَقَ اللهُ العَظِيمْ
Jama’ah Shalat Idul Adha Hadâkumullâh
Bada duwa’ parkara se tak bisa e pesa dari are tellas Idul Adha. Duwa’ parkara kakdinto aropa Ibadah Haji sareng Ibadah Kurban. Namung, dalem kabadaan samangken kakdinto, duwa’ ibadah se kasebbhut kodhu elaksanaagi e dalem kondisi pandemi Covid-19 se sampe’ saat mangken kakdinto ghik belun mangghi kasaeyan. Tantonah, katepteppan Allah SWT kakdinto jhak sampek adhaddhiyaghi abdhina sareng ajunan sadhaja lessoh tor tak semangat e dalem alaksanaaghi sadheje aktifitas ibadah sebagai ummat Islam. Abdhina sareng ajunan sadhaja kodhu yakin, jhak saongghuna paste bede hikmah se langkong raja e dalem sadheje parkara se etepteppagi sareng Allah SWT.
Akadhiye se ampon ekaoningi, akibat pandemi Covid-19 se alat-lat otabe mewabah sampe’ ka sadheje tempat e bhumi kakdinto, Jama’ah Haji Indonesia taon duebu dupoloh (2020) gagal e pamangkat ka tana socce Mekka. Hal kakdinto epotossagi sareng pamarenta amargha ajaga kasalamettanna jama’ah dari katolaran virus Corona. Tor jhughan pamarenta Arab Saudi tak ngidhi’i jama’ah dari loar naghara arab kaangghut ajhalannaghi rukun Islam se kapeng lema’ kakdinto. Namung oreng Arab Saudi sareng oreng loar Arab Saudi se kalerressan bede e Arab Saudi se e kengingngaghi alaksanaagi ibadah Haji. Ban kakdinto kalaban batessan jumlah sareng paraturan se sanget ketat.
Tantonah ekaandi’ calon jama’ah haji taon duebu dupoloh (2020), kaputusan kakdinto aropa’agi parkara se sanget berra’ kaangghu e tarema. Salastarenah adantos antrian kuota haji se langkong abit tor cem-macemma usaha kaangghuy alunasi ongkos naik haji (ONH), pas enalekanah depa’ ka ghiliranna mangkat ternyata e panyorot otabe e tunda.
Namung, bede hikmah se langkong raja dari kadaddhiyan kakdinto, eantaranah sittung kasabbharan, ban duwa’ kapasraan. Allah SWT ampon adhabu e dalem Al-Qur’an Sorat Al-Anfal ayat pa’polo ennem (46):
وَاصْبِرُوا إِنَّ اللَّهَ مَعَ الصَّابِرِينَ
“Sabbhara bakna kabbhi, karena saongghuna Allah abhareng ban oreng-oreng se sabbhar”.
Jamaah shalat Idul Adha hadâkumullâh,
Hikmah se kapeng sittung kakdinto kasabbharan. Kasabbharan kakdinto aropa’agi sefat se paleng ekabhuto e dalem ajhalannaghi ibadah haji. Dalem ibadah haji, kasabbharan jughan daddhi okoran mabrur bhuntenna haji se ampon e laksanaaghi. Para’ sadhaja kalakoan e dalem ibadah haji kakdinto ngabhutowaghi ka kasabbharan, molae dari pendaftaran sampek pelaksanaanya jughan sampek abali poleh ka dhalemma bang-sebangnga. Manabi tak eparengi kasabbharan, maka nyaktenah jama’ah haji tak kera mampu alebadhi sadheje runtutan palaksanaan ibadah haji se ce’ ngabhutonah ka kamampuan pekkeran, bhadhan tor sefat sabbhar kakdinto, akadhiye thawaf, sa’i, wukuf e Arafah tor nguntallaghi jumroh.
Maka panundaan pemberangkatan kakdinto bisa daddhi hikmah ka calon jama’ah haji kaaghuy terros alateh kasabbharan sabellunna wakto mangkatta dagghi’. Insyaallah dalam naremanah ka kapotosan panundaan kakdinto, daggik bisa daddi wasilah hajinah bhakal mabrur. Aamiin.
Hikmah se kapeng duwa’ kakdinto kapasraan otabe tawakkal da’ ka Allah SWT. Dalam hal kakdinto Allah SWT ampon apareng petodhu “Lamun aba’ andi’ karep se kowat dalem alaksanaaghi sittung parkara, maka aba’ kodhu ma pasrah ka Allah SWT”. Hal kakdinto ampon jellas e dalem Al-Qur’an sorat Ali Imrat ayat saratos saeket sanga’ (159):
فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ
“Lamun bakna la mabungkol ka kareppa, maka tawakkala bakna ka Allah. Karana saongghuna Allah reya senneng ka oreng-oreng se tawakkal.”
Kalaban e tundanah haji taon mangken kakdinto, sadheje calon jama’ah haji kodhu yakin tor pasrah da’ ka Allah karena kakdinto aropaaghi ka tepteppan dari Allah SWT. Haji kakdinto aropaaghi sittung ibadah se kodhu e kabidhi kalaban kapasraan karena kodhu mangkat ka tempat se jhauh adhingghal sadheje keluarga, taretan, kanca tor sadheje se e kaestoeh. Tor jhughan kodhu berjuang kalaban sanget kaangghuy malastareh sadheje kawajibhan dan rokon-rokonna haji. Kaen Ihram se abarna poteh se aghem jama’ah haji jughan daddhi tandha jhak saongghuna sadheje jama’ah haji kakdinto pasrah da’ ka takdir Allah SWT sami akadhiye mayyit se e bhundu’ labun pote. Kalaban kapasraan kakdinto, tantonah bhakal adhaddhiyeghi sadheje jama’ah haji bisa lebih tenang e dalem alaksanaagi sadhaja kalakoan-kalakoan ibadanah.
Jamaah shalat Idul Adha hadâkumullâh,
Ibadah se kapeng duwa’ se elaksanaaghi abdhina sareng ajunan sadheje e dalem masa pandemi kakdinto ibadah kurban. Dalam kabaadaan panyaket se mewabah kakdinto, ibadah kurban jelas lebbi a ma’na ban bisa e rassaaghi manfaatta da’ ka oreng-oreng se kondisi ekonominah korang mampu. Selama pandemi, benyak hal se ecapok dampak tor akibatta, tamasok jughan e bidang ekonomi. Sanget benyak oreng se tak bisa nyokobhi kabhutoan keluarganah karana kaelangan kalakoanna. Maka kurban bisa daddhi hal kaangghuy abhanto da’ ka masyarakat se korang mampu. Kurban jughan apareng sittung pangarteyan ka abdhina tor ajunan sadhaja, jhak saongghuna e dalem nikmat se aropa arta sareng dunnya se e kaaghungi abdhina tor ajunan, aropaaghi sittung tetepan dari Allah SWT, tor e dalemma bede haknah oreng laen e kodhu e pakaloar. Tor jughan penting e kaghali areng-sareng, jhak saongghuna enalekanah aba’ saleng eri’-berri’ / areng-pareng ka oreng laen, kakdinto tak bhakal ngurangi nikmat se bede. Karena hakekatta apareng, kakdinto narema. Manossa tak patot kabater ka masalah nikmat, karena nikmatta Allah SWT kakdinto sanget benyak. Dari sakeng benyaknah, maka manossah tak kera kowat kaaghhuy tong-ngitong. Allah SWT adabhu e dalem sorat An-Nahl ayat ballu bellas (18):
وَإِنْ تَعُدُّوا نِعْمَةَ اللَّهِ لَا تُحْصُوهَا إِنَّ اللَّهَ لَغَفُورٌ رَحِيمٌ
“Ban lamon bakna kabbhi tong-mitong ka nikmatta Allah, maka nyaktenah bakna kabbhi tak bhakal bisa nantowaghi bitonganna. Saongghuna Allah onggu dzat se sanget nyapora tor sanget bellas”.
Kalaban ngorbannaghi arta lebat keban kurban kakdinto, abdhina sareng ajunan sadhaja bhakal mampu kaanghuy sajan semma’ da’ ka Allah SWT. Hal kakdinto sami kalaban ma’na asal kurban dari lafadz Qaruba, Yaqrubu, Qurbaanan, yakni semma’. Saengghanah, hakekat kurban kakdinto masemma’ aba’ ka Allah SWT kalaban alaksanaaghi sadhaja parentanah.
Jamaah shalat Idul Adha hadâkumullâh,
Dari hal kakdinto, abdhina sareng ajunan bisa mondhut duwa’ hikmah dari ibada kurban e masa pandemic. Sittung hikmah vertical – hubunganna sareng Allah langsung – se aropa atamba’ semma’na aba’ da’ ka Ghuste Allah SWT. Tor kapeng duwa’ hikmah horizontal – hubunganna sareng pada makhlokka – se aropa saleng areng-pareng rajekke e dalem kabadaan se sanget romit tor malarat akibat pandemi kakdinto. Wallahu A’lam
الدعاء: بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِنْ آيَةِ وَذِكْرِ الْحَكِيْمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ
وَ أَقُوْلُ قَوْلِي هَذَا فَأَسْتَغْفِرُ اللهَ العَظِيْمَ لِيْ وَ لَكُمْ وِ لِسَائِرِ الْمُسْلِمِيْنَ وَ الْمُسْلِمَاتِ وَالمُؤْمِنِيْنَ وَ المُؤْمِنَاتِ. إِنَّهُ هُوَ الغَفُوْرُ الرَّحِيْمُ
# Khutbah II
اَللهُ أَكْبَرُ اَللهُ أَكْبَرُ اَللهُ أَكْبَرُ اَللهُ أَكْبَرُ اَللهُ أَكْبَرُ اَللهُ أَكْبَرُ اَللهُ أَكْبَرُ اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِي إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَاَصْحَابِهِ وَسَلِّمْ تَسْلِيْمًا كِثيْرًا أَمَّا بَعْدُ
فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى: إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللّٰهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ، وَارْضَ اللّٰهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ، وَارْضَ عَنَّا مَعَهُمْ بِرَحْمَتِكَ يَا اَرْحَمَ الرَّاحِمِيْنَ.
اللّٰهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءِ مِنْهُمْ وَاْلاَمْوَاتِ. اللّٰهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَالدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللّٰهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَاوَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.
عِبَادَاللهِ، إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ
Disadur dari laman NU Online oleh: Muhammad Faizin, Sekretaris PCNU Kabupaten Pringsewu, Lampung.
Alih Bahasa: Fahri Farghiz
