Khutbah Idul Fitri Bahasa Madura: Hakekat Tellasan

# Khutbah I

Jamaah Sholat Ied Rahimakumullah

Alhamdulillah e are samangken bâdân kaule sareng para panjenengan sadâja ampon ngalastareyagin ibadah poasa tor jugân zakat fitrah. Samogâ’â sadâjana ka’dinto katarema monggù Allah Swt. Amin.

Tanggal settong bulan Syawal menangka are kagùmbira’ân monggù ummat Islam. Asabab e are ka’dinto ummat islam araya’agin are tellasan. Tellasan seggùt egâmbârragì kalaban kalambì, kendaraan tor roma se anyar. Sampe’ tellasan ka’dinto ropa-ropanah namung aganduk makna serba anyar.

Dari hal ka’dinto bâdân kaule sadâja parlo ngaoningin ponapa hakekat dari tellasan se saonggùna. Bada maqalah se bisa egabay dâsar agik-gigik ponapa estonah hakekat tellasan:

Dari maqalah e attas bisa epondùt ibrah jha’ saonggùna sekasambât tellasan ka’dintoh banni sepolana nganggùy kalambì anyar. Hakekat tellasan enggi ka’dinto atambana kata’atan da’ ka gùste Allah ta’ala.

Mafhum mukhalafah epon, tak eanggèp atellasan se saonggùna manabi namung akalambì anyar manabi tak esarengen kalaban kasemangatan anyar dalem a-ibadah da’ ka Allah Swt.

Ibadah se elaksana’agin sabulan bènteng e bulan Ramadhan nyaktena ngangùngi lampat (atsar) aropa kasemangatan ibadah. Kasemangatan ibadah e bulan Ramadhan etolarragin ka sabelas bulan se laen.

Manabi hal ka’dintoh bisa elaksanaagin sareng bâdân kaule sadâja maka ka’dinto hakekat tellasan se saonggùna. Pramila dari ka’dinto ngireng bâdân kaule sadâja ausaha kaangguy terros ningkattagin pangatakok da’ ka guste Allah dalem saterossa. Ngereng jaga keistikamahan tor kakodùwan ibadah e loar bulan Ramadhan sopaja bâdân kaule lerres-lerres daddi oreng se alaksanaagin tellasan se saonggùna.

Jamaah Sholat Ied Rahimakumullah…

Bâdân kaule sadâja tak manabi sossa sepolana tak gâdùwan kalambì anyar. Karana kata’atan seterros anyar ka’dinto lebih ajembârragin e dunnya kantos ka akherat. Monggù seeparengin rajekkeh tor kellar ngobangin kalambì anyar jek lompa kaangguy esokkore tor jek loppa tampa’agin bùnga atas kanikmatan se eparengagin sareng Allah Swt, akadi dâbu epon Allah

Arte epon : “Koca’agin Hey Muhammad kalaban paparengnga Allah tor rahmattâ, sapantessa kalaban hal jareya oreng jareya gùmbira ” (QS Yunus: 85)

Mogâ-mogâ bâdân kaule sadâja teros ngaollea petodù dari Allah Swt kaanggùy andik kakencengngan ibadah da’ ka Allah Swt. Mogâ bâdân kaule sadâja bisa ngaolle hakekat tellasan bani namung arayaagin tellasan se tak agânduk makna pan-ponapa. Amin ya rabbal alamin.

# Khutbah II