# Khutbah I
Ma’asyiral Muslimin hafidhakumullah,
E sa’at mangken ka’dintoh bâdân kaula sadâja patot ngunjuggâgì poji syokkor amargâ bulan Ramadhan ampon elebadìn kalaban samporna. Ka’dinto anandâ’agin bâdân kaula sadâja ampon lulus ujian, enggì ka’dinto ampon alastareagin ibadah poasa sabulan benteng sesuai kalaban syari’at. Samangken, bâdân kaula patot arassa gùmbìrà amargâ salaenna nambain gânjâran e bulan poasa jugân dùsa- dùsa bâdân kaula esapora sareng Allah subhanahu wata’ala. Rasulullah shallahu ‘alaihi wa sallam adâbu dalem settong hadits se eriwayattagin dari Abu Hurairah radhiyallahu ‘anhu:
Arte epon “Pasera oreng se apoasa Ramadhan kalaban edâsare iman tor ngamri gânjâran, maka bâkal esapora dùsa-dùsa se ampon kalebat”
Dari hadits kasebbùt muncul makna “Idul Fitri” se dalem konteks bâsa Indonesia banni namung amakna “Hari Raya” othaba “are tellasan” saampona lastarena Ramadhan. otaba epon dalam kamus Al-Maany “Idul Fitri” emaknai:
(are pertama monggù oreng-oreng se apoasa Ramadhan ngabidìn mulae abùka pole [kalaban adâ’ar tor nginum akadì e are-are biasa]), tape jùgân secara konsep agânduk makna “abali socce” akadì gìk bùru lahir ka dunnya.
Makna “abali Socce” se kasebbùt ampon etarema sareng sadâja masyarakat Indonesia molae dìmin kantos mangken kalaban dasar hadits e attas. Paleng bùnten ka’dinto menangka dùwa da’ ka gùste Allah. Samogâ saos ekatarema’a. Aamiin. Separlo epahami areng-sareng, seemaksod “abali socce” enggì ka’dintoh bebas dari dùsa-dùsa da’ ka Allah Swt saos, urusan hablun minallah. Tak tamasok ka hubungan pada manossana. Asabab sadâja se ahubungan kalaban mu’amalah pada bângsa manossana bùtoh elastareyagin secara khusus.
Dari hal ka’dintoh, “abali socce” se saonggùnah nalekana bâdân kaula bisa alastareyagin urusan pada manosaana asarengan kalaban tadakna bulan Ramadhan. Jâ’ sampek masok ka bulan Syawal paggùn andik urusan ka sami bângsa manosana. Manabi hal ka’dintoh terjadi maka dùsa-dùsa bâdân kaula sadâja da’ ka pada manossana bisa dâddì leng-aleng abalina bâdân kaula da’ arte “fitrah” othaba “socce” se saonggùna.
Maka hal ka’dinto se bisa madateng kabiasa’an saleng asapora pada ummat islamma sa Indonesia se kalonta kalaban istilah halal-bihalal. Kabiasaan ka’dinto sanget bâgùs, amargâ bisa mabâgùs hubungan pada manossana se pajât tak bisa lopot dari kalero, dùsa tor samacemma.
Ma’asyiral Muslimin hafidhakumullah,,,
Datengnga Idul Fitri abâkta bâdân kaula sadâja da’ ka dârajât kasoccean akadìye se ejarbâ’agin e attas. Terros, kadìponapa cara asikap sa’amponna abali socce? Paleng bùnten bada duwa’ (2) jawaban. Se nomer settong, bâdân kaula sadâja bisa materros kabâgùsan se ampon elakoni e bulan Ramadhan. Dalam hal ka’dintoh Syekh Muhammad ibn ‘Umar Nawawi al-Bantani maemot dalam kitab epon Nihayatus Zain enggì ka’dinto “istikamah dalem ajâlannagì amaliyah Ramadhan tor alanjuttagì amaliyah kasebbùt e bulan saterossa, akadìya nahan lesan tor anggâuta bâdân laen epon dari parkara se tak agùna, ponapa pole parkara haram, mabanyak sadakah, ngatammagi al-Quran tor laen epon. Maka berarti bâdân kaula sadâja a-usaha kaanggùy ningkattagi kualitas rohani bâdân kaula sadâja”. Usaha akadì ka’dinto sajâlan kalaban makna Syawal” (شَوَّالُ) se asalla dari kata “Syala” (شَالَ) se gâduwan makna “irtafaá” (اِرْتَفَعَ) se dalem bâsa Indonesia andik makna “meningkatkan”.
Tanto bisaos bâdân kaula sadâja, malarat alaksana’agina amaliyah akadì e bulan ramadhan amargâ repot kalaban karepotan laen dibik sebang. Paleng Bùnten ausaha kaanggùy alaksana’agin ibadah se kasebbùt, misalla epon akadì ajâui makseat, apoasa 6 are e bulan Syawal tor laen epon. Ramadhan pajât emaksottagi menangka bulan pembiasaan otaba epon bulan pendidikan seka’dimma umat Islam egembleng selama sabulan benteng sopaja dâddì oreng-oreng se takwa da’ Allah subhanahu wata’ala.
Jama’ah Sholat Ied se emoljaagin Allah,
Se nomer duwa’, ajaga olle bâdân kaula sadâja tak ngalami kabangkrutan amal se ampon ekaolle sabelum tor sa’abiddâ bulan Ramadhan kalaban cara tak dholim ka oreng laen. Dalam hal ka’dinto, Rasulullah shallahu alaihi wa sallam ajârbâ’agi tentang kabangkrutan amal akadì se e riwayattagi dari Abu Hurairah dalam hadis:
Arte epon, “Oninga sampeyan pasera oreng sengalami kabangkrutan amal?” petanya Rasulullah da’ sadaja para sahabat. Sahabat ajawab:
Arte epon, “Para sahabat ajawab: Oreng bangkrut metorot pendapat abdina enggì ka’dinto oreng setak gaduwan obang sareng harta”.
Nabi pas ajawab:
Arte epon, “saonggùna oreng bagkrut dari tang ummat iya areya oreng-oreng se pagì’ e are kiyamat agìba sango dari amal kabâgùsan se aropa sholat, poasa ban zakat. Tatapena oreng-oreng jaereya lamba’ perna nyale, ngarani, ngakan artana oreng laen ban mokol oreng laen. Maka gânjaranna sango kabâgùsanna e bagì ka oreng se edhalimi; ka oreng laen se edhalimi pada eberri’ keya gânjaran sango kabâgùsanna. Misal amal bâgùssa e abi’ sabelunna otangnga lonas, maka dùsana oreng se edhalimi e kala’ pas e bagì ka oreng jareya. Samarena jareya, oreng se lebur nyale, ngarani, ngakan artana oreng laen ban mokol oreng laen jareya, bâkal e pamasok ka dalem naraka”
Ma’asyiral Muslimin hafidhakumullah,
Hadits kasebbùt Samogâ bisa bâdân kaula sadâja gìk-gìgìk sopaja bisa apareng kasadaran da’ bâdân kaula sadâja ja’ saonggùna sanget penting ka’anggùy ajauhi sifat dhalim. Amargâ kadzaliman-kadzaliman akadì ka’dinto bisa adâddìyagi bâdân kaula sadâja bangkrut secara agama, enggì ka’dinto elangnga amal-amal kabâgùsan bâdân kaula sadâja se ampon ekompollagì kalaban malarat ontaonan otaba bahkan saomor odi’.
Dari hal ka’dinto manabi bâdân kaula sadâja andik kasadaran, maka jaga sopaja amal-amal bâgùs bâdân kaula sadâja bisa erabat kalaban bâgùs tor tak elang parcoma. Enggì ka’dintoh kalaban cara ajaga sopaja oreng laen salamet dari kalakoan dzalim bâdân kaula sadâja akadì nyake’e ateh, nyale, afitnah tor ngarani oreng tak kalaban bùkte, mundùt hak akadì ngecok tor korupsi, mate’e oreng, tor laen epon.
Ma’asyiral Muslimin hafidhakumullah,
Samogâ ponapa se bâdân kaula matorragì e attas se ahubungan kalaban ponapa se kodù bâdân kaula sadâja lakone salasatarena Ramadhan, bisa aganduk manfa’at monggù bâdân kaula sadâja. Samogâ’a bâdân kaula sadâja teros ngaollea petodù epon Allah Swt saenggâna hal-hal juba’ bisa e jâui, Amin ya Rabbal ‘alamin.
# Khutbah II
-
- Diterjemahkan dari website NU Online
- Penyusun: Muhammad Ishom (dosen Fakultas Agama Islam Universitas Nahdlatul Ulama (UNU) Surakarta)
- Judul Asli: Khutbah Idul Fitri: Makna Idul Fitri dan Syawal
- Alih Bahasa: Tim LTMNU PCNU Sumenep.
- File khutbah di atas dalam bentuk PDF ukuran Folio, klik tombol di bawah ini.
