Naskah khutbah Idul Fitri 1445 H dengan bahasa Madura berikut ini mengajak kepada para jamaah shalat sunah hari raya untuk terus konsisten dalam menunaikan ibadah kepada Allah swt, sekalipun bulan Ramadhan sudah pergi. Sebab, melakukan ibadah, ketaatan, dan kebaikan tidak memiliki batas waktu.
#Khutbah I
اللهُ أَكْبَرُ، اللهُ أَكْبَرُ ، اللهُ أَكْبَرُ. اللهُ أَكْبَرُ، اللهُ أَكْبَرُ ، اللهُ أَكْبَرُ. اللهُ أَكْبَرُ، اللهُ أَكْبَرُ ، اللهُ أَكْبَرُ، وَلِلّٰهِ الْحَمْدُ. اللهُ أَكْبَرُ كَبِيرًا وَالْحَمْدُ لِلّٰهِ كَثِيرًا وَسُبْحَانَ اللّٰهِ بُكْرَةً وَأَصِيلًا، لَآ إِلٰهَ اِلَّا اللهُ وَحْدَهُ صَدَقَ وَعْدَهُ وَنَصَرَ عَبْدَهُ وَهَزَمَ الْأَحْزَابَ وَحْدَهُ. لَآ إِلٰهَ اِلَّا اللهُ وَلَا نَعْبُدُ إِلَّا إِيَّاهُ مُخْلِصِيْنَ لَهُ الدِّيْنَ وَلَوْ كَرِهَ الْكَافِرُوْنَ
اَلْحَمْدُ لِلّٰهِ الَّذِيْ جَعَلَ شَهْرَ الصِّيَامَ غُزَّةَ وَجْهِ الْعَامِ، وَأَجْزَلَ فِيْهِ الْفَضَائَلَ وَالْاِنْعَامِ، وَفَضَّلَ أَيَّامَهُ عَلَى سَآئِرِ الْأَيَّامِ. وَالصَّلَاةُ وَالسَّلَامُ عَلَى سَيِّدِنَا مُحَمَّدٍ اَلْمَبْعُوْثِ عَلَى جَمِيْعِ الْأَنَامِ، وَعَلَى أَٰلِهِ وَأَصْحَابِهِ هُدَاةِ الْأَنَامِ وَمَصَابِيْحِ الظَّلَامِ. أَشْهَدُ أَنْ لَآ إِلٰهَ اِلَّا اللهُ وَحْدَهُ لَا شَرِيْكَ لَهُ إِلٰـهٌ تَفَرَّدَ بِالْكَمَالِ وَالتَّمَامِ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ أَفْضَلُ مَنْ صَلَّى وَصَامَ. اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى أَٰلِهِ وَصَحْبِهِ الَّذِيْ شُبِّهُوْا بِالْأَنْجَامِ، فَمَنْ تَبِعَهُ فَقَدْ نَالَ سُبُلَ التَّامِ.
أَمَّا بَعْدُ، فَيآ أَيُّهَا الْمُؤْمِنُوْنَ رَحِمَكُمْ اللهُ، أُوْصِيْكُمْ وَإِيَايَ بِتَقْوَى اللهِ وَطَاعَتِهِ، بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِيْ كِتَابِهِ الْكَرِيْمِ: يَا أَيُّهَا الَّذِينَ آمَنُوا اتَّقُوا اللّٰهَ حَقَّ تُقَاتِهِ وَلَا تَمُوْتُنَّ إِلاَّ وَ أَنْتُمْ مُسْلِمُوْنَ. وَقَالَ أَيْضًا: وَلِتُكْمِلُوا الْعِدَّةَ وَلِتُكَبِّرُوا اللّٰهَ عَلَى مَا هَدَاكُمْ وَلَعَلَّكُمْ تَشْكُرُونَ.
Ma’asyiral Muslimin jama’ah shalat idul Fitri se emoljâ’aghi sarêng Allah
Alhamdulillah, pojhi sarêng sokkor tak tos-potos bhâdhân kaulâ atorraghi sarêng ajunan sadhâjâ dâ’ ajunannepon Allah swt, se ampon apareng pan-saponapan nikmat dâ’ bhâdhân kaulâ sadhâjâ sek tak kabitong jumlaepon, e antarana enggi kakdinto mapangghi bhâdhân kaulâ sarêng ajunan sadhâjâ e are têllasan, sa amponna ngalakoni ‘ibâdâ poasa selama sabulân. Moghâ-moghâ sadhâjâ ‘ibâdâ se e lakoni e bulân Ramadhan kakdinto katarema sarêng ajunannepon Allah, Aamin.
Shalawât sarêng salam ngireng atorraghi dâ’ ajunannepon se muljâ, Nabi Muhammad Saw, se ampon sukses edâlêm nyebbarraghi Islam, saengghâna bhâdhân kaulâ sarêng ajunan sadhâjâ se hadir e dâlêm pelaksanaan shalat kakdinto bisa ngarassa’aghi nikmat Islam sarêng iman. Moghâ-moghâ bisa cekkak e dâlêm ate, tor bisa ebhâkta sampek mate.
Salestareepon, abdinah mingka khatib ngatorraghina pan-saponapa wasiat, khusussepon dâ’ abdinah pribadi, keluarga, tan-taretan, sarêng sadhâjâ jama’ah se e dâlêm kasêmpatan kakdinto, untuk têrros istiqomah edâlêm ajhâlânnaghi parentaepon ajunan Allah, tor têrros istiqomah edâlêm ngalaksanaaghi kawâjibhân, saengghâna bhâdhân kaulâ sarêng ajunan sadhâjâ bisa tergolong oreng-oreng se takwa.
Ma’asyiral Muslimin jama’ah shalat idul Fitri se emoljâ’aghi sarêng Allah
Bulân Ramadhan se sarêng bhâdhân kaulâ tor ajunan sadhâjâ edânte’, samangken ampon ningghâllâghi. Bulân se possak kalabân barokah tor sarêng pangapora kakdinto ampon majhâu, tor bhâkal dateng pole e taon se bhâkal dâtêng, korang pareksa ponapa bhâdhân kaulâ sarêng ajunan ghik bisa nututih, otabâ ampon edhimini sarêng kamatean. Milanah dâri kakdinto, tadâ’ se patot e kasossa dâri adhingghâllâ Ramadhan kakdinto, karena ngalakoni ‘ibâdâ bisa elakoni e bulân-bulân se laen.
Sa’amponna bulân Ramadhan kakdinto ningghâllâghi, tadâ’ kalakoan se paleng sae anging têrros konsisten edâlêm ngalakoni ‘ibâdâ dâ’ ajunannepon Allah, akadhiyâ ‘ibâdâ se elakoni sarêng bhâdhân kaulâ ajunan e wâkto bulân Ramadhan. Poasa se e lakoni, ngireng têrrossaghi selama ennem are e bulân Syawal. Tahajud sarêng witir, tor ‘ibâdâ se laen, ngireng tettep têrrossaki.
Jaminan untuk oreng-oreng se bisa konsisten edâlêm ngalakoni ‘ibâdâ kakdinto sangêt rajâ dâri ajunannepon Allah, engghi kakdinto sowarghâ se possak kalabân nikmat. Hal kakdinto akadhiyâ se ampon etêgghêssaghi e dâlêm Al-Qur’an, Allah adhabu:
إِنَّ الَّذِينَ قَالُوا رَبُّنَا اللهُ ثُمَّ اسْتَقَامُوا تَتَنَزَّلُ عَلَيْهِمُ الْمَلائِكَةُ أَلَّا تَخَافُوا وَلا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ
Arteepon, “Saongghuna oreng-oreng se nguca’ “Ghuste pangiran abdhi dhâlêm engghi kakdinto Allah”, maka kare-kare oreng-oreng kasebbhut makoat dhâdhegghudhan, maka malaikat-malaikat bhâkal toron dâ’ oreng-oreng se kasêbbhut (hale adhabu), “jhak arassa tako bakna kabbhi, ban jhak sossa bakna kabbhi; ban bhunga’a bakna kabbhi kalaban (ngaolle) sowarghâ se ejhânjiyâghi ka bakna kabbhi (QS Fushshilat: 30).
Ayat kakdinto bisa dhâddhi kabhâr bhunga dâ’ bhâdhân kaulâ sarêng ajunan sadhâjâ se bisa konsisten edâlêm ngalakoni ‘ibâdâ, jhâ’ saongghuna oreng-oreng se bisa konsisten dâlêm ‘ibâdâ bhakal kenging jaminan sowarghâ dâri ajunannepon Allah. Mila dâri kakdinto, ngireng têrros usaha untuk bisa istiqomah dâlêm ngalaksanaaghi sadhâjâ parentaepon Allah, sanaossa e loar bulân Ramadhan.
Allah bhâkal makon para malaikat ka’anghuy arabuwi oreng-oreng se iman tor konsisten dâlêm pendiriannepon untuk madepak kabhâr bhunga, apareng sadhâjâ kamanfa’atan, ajâgâ dâri sadhâjâ kabhâbhâjâ’ân, tor maelang sadhâjâ kasossa’an se bhâkal tebhâ, sae aropah urusân dunnyah otabâ urusân akherattâ.
Kalabân amodal konsisten, bhâdhân kaulâ sarêng ajunan sadhâjâ bisa dhâddhi manussah se tenang, tentrem, narema bâdâna, tor tak kâbâter tentang abâ’ dhibik-epon. Sebâb, sadhâjâ ampon ejamin sarêng ajunannepon Allah swt lebât para malaikattepon. Mila dâri kakdinto, ngireng jâgâ konsistensi ‘ibâdâna bhâdhân kaulâ sarêng ajunan sadhâjâ edâlêm ngalakoni kabhâghusân sarêng kata’atân.
Ma’asyiral Muslimin jamaah shalat idul Fitri se emoljâ’aghi sarêng Allah
‘ibâdâ se paleng ekasokani sarêng ajunannepon Allah Swt kakdinto tak ebitong dâri bânnyak sarêng sakonikna. ‘ibâdâ se bennyak namun tak elakoni kalabân konsisten kakdinto belun tanto ekasokani sarêng Allah, namung ‘ibâdâ sakonik se bisa elakoni kalabân konsisten kakdinto pasti ekasokani sarêng Allah. E dâlêm sala sittung hadits epon, Rasulullah saw adhâbu:
إِنَّ أَحَبَّ الأَعْمَالِ إِلَى الله أَدْوَمُهَا وَإِنْ قَلَّ
Arteepon, “Saongghuna paleng ekasokanina amal (‘ibâdâ) mongghu Allah Ta’ala, engghi kakdinto ros-terrossa sanajjan sakonik” (HR Muslim).
Kalabân adhâsar hadits kakdinto, Imam Al-Ghazali e dâlêm ketab Ihya ‘Ulumiddin adhâbu jhâ’ saongghuna sittung ‘ibâdâ otabâ kalakoan kakdinto tak bisa esebbhut kabhâghusân manabi tak elakoni kalabân konsisten. ‘ibâdâ bisa enilai bhâghus manabi oreng se ngalakoni kakdinto ampon bisa ngalaksana’aghi kalabân istiqomah sarêng ros-terrosân.
Ma’asyiral Muslimin jamaah shalat idul Fitri se emoljâ’aghi sarêng Allah
Kakdinto pentingngah konsisten dâlêm ngalakoni ‘ibâdâ dâ’ ajunannepon Allah. Oreng-oreng se bisa konsisten kakdinto bhâkal ngaolle bâlessân se sangêt aghung dâri ajunannepon Allah Swt, aropa jaminan sowarghâ, ejâgâ sarêng para malaikat, sae urusan dunnyana otabâ akherattâ. Mila dâri kakdinto, ngireng bhâdhân kaulâ sarêng ajunan sadhâjâ usaha ongghu-ongghu ausaha bisa konsisten edâlêm ngalakoni ‘ibâdâ.
Sakakdinto bâdâna khutbah idul fitri tentang konsistensi edâlêm ajâgâ ‘ibâdâ sanajjân e loar Ramadhan. Moghâ-moghâ bisa dhâddhi jhâlân manfa’at tor barokah dâ’ bhâdhân kaulâ sarêng ajunan sadhâjâ, tor bisa egolongngghi kalabân kabulâ-kabulâ se semangat edâlêm ajhâlâni parentaepon Allah swt. Amin ya rabbal alamin.
جَعَلَنَا اللهُ وَإِيَّاكُمْ مِنَ اْلعَآئِدِيْنَ وَاْلفَآئِزِيْنَ وَاْلمَقْبُوْلِيْنَ، وَأَدْخَلَنَا وَإِيَّاكُمْ فِي زُمْرَةِ عِبَادِهِ الصَّالِحِيْنَ، أَقُوْلُ قَوْلِي هٰذَا وَأَسْتَغْفِرُ اللهَ لِيْ وَلَكُمْ، وَلِوَالِدَيْنَا وَلِسَائِرِ اْلمُسْلِمِيْنَ وَاْلمُسْلِمَاتِ، فَاسْتَغْفِرُوْهُ إِنَّهُ هُوَاْلغَفُوْرُ الرَّحِيْمُ.
بَارَكَ اللهُ لِيْ وَلَكُمْ فِيْ هٰذَا الْيَوْمِ الْكَرِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الصَّلَاةِ وَالزَّكَاةِ وَالصَّدَقَةِ وَتِلَاوَةِ الْقُرْءَانِ وَجَمِيْعِ الطَّاعَاتِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ الْحَكِيْمُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، اِنَّهُ هُوَ الْغَفُوْرُ الرَّحِيْمُ.
اَللهُ أَكْبَرُ (٣ كالى) وَلِلّٰهِ الْحَمْدُط
#Khutbah II
اللهُ أَكْبَرُ، اللهُ أَكْبَرُ، اللهُ أَكْبَرُ. اللهُ أَكْبَرُ، اللهُ أَكْبَرُ، اللهُ أَكْبَرُ. اللهُ أَكْبَرُ، وَلِلّٰهِ الْحَمْدُ. اللهُ أَكْبَرُ كَبِيرًا، وَالْحَمْدُ لِلّٰهِ كَثِيرًا، وَسُبْحَانَ اللهِ بُكْرَةً وَأَصِيلًا. أَشْهَدُ أَنْ لَآإِلٰهَ اِلَّا اللهُ وَحْدَهُ لَا شَرِيْكَ لَهُ، اِلٰـهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمِ الْأَوَّلِيْنَ وَالْأَخِرِيْنَ، الْمَبْعُوْثِ رَحْمَةً لِلْعَالَمِيْنَ. اللهم صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَٰلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ.
أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَى بِمَلَائِكَةِ الْمُسَبِّحَةِ بِقُدْسِهِ. اللهم اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ الْأَحْيَآءِ مِنْهُمْ وَالْأَمْوَاتِ. اللهم ادْفَعْ عَنَّا الْبَلَآءَ وَالْغَلَآءَ وَالْوَبَآءَ وَالْفَحْشَآءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ.
عِبَادَ اللهِ، اِنَّ اللهَ يَأْمُرُكُمْ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَآءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ اَللهُ أَكْبَرُ اَللهُ أَكْبَرُ اَللهُ أَكْبَرُ. لَا اِلٰهَ اِلَّا اللهُ وَاللهُ أَكْبَرُ. اَللهُ أَكْبَرُ وَ لِلّٰهِ الْحَمْدُ.
- Diterjemahkan dari website NU Online
- Penyusun: Ustadz Sunnatullah, (Pengajar di PP. Al-Hikmah Darussalam Durjan Kokop Bangkalan Jawa Timur)
- Judul Asli: Khutbah Idul Fitri: Teros Konsisten edelem Ngalakonih Ibede
- Alih Bahasa: Tim LTN PCNU Sumenep
File khutbah di atas dalam bentuk PDF ukuran A4, klik tombol di bawah ini.
