#Khutbah I
اللهُ أَكْبَرُ (٣ كالى) اللهُ أَكْبَرُ (٣ كالى) اللهُ أَكْبَرُ (٣ كالى) وَ لِلّٰهِ اْلحَمْدُ.
اللهُ أَكْبَرُ كَبِيْرًا، وَالحَمْدُ لِلّٰهِ كَثِيْرًا وَسُبْحَانَ اللهِ بُكْرَةً وَأَصِيْلًا لاَإِلٰهَ إِلَّا اللهُ وَحْدَهُ صَدَقَ وَعْدَهُ وَنَصَرَ عَبْدَهُ وَأَعَزَّ جُنْدَهُ وَهَزَمَ الأَحْزَابَ وَحْدَهُ لَاإِلٰهَ إِلَّا اللهُ وَلَا نَعْبُدُ إِلاَّ إِيَّاهُ مُخْلِصِيْنَ لَهُ الدِّيْنَ وَلَوْكَرِهَ الكَافِرُوْنَ. الحَمْدُ لِلّٰهِ الَّذِيْ حَرَّمَ الصِّيَامَ أَيَّامَ الأَعْياَدِ ضِيَافَةً لِعِباَدِهِ الصَّالِحِيْنَ. أَشْهَدُ أَنْ لَآإِلٰهَ إِلَّااللهُ وَحْدَهُ لاَشَرِيْكَ لَهُ الَّذِيْ جَعَلَ الجَّنَّةَ لِلْمُتَّقِيْنَ، وَأَشْهَدُ أَنَّ سَيِّدَنَا وَمَوْلاَنَا مُحَمَّدًا عَبْدُهُ وَرَسُوْلُهُ االدَّاعِيْ إِلىَ الصِّرَاطِ المُسْتَقِيْمِ. اللّٰهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّـدٍ وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلىَ يَوْمِ الدِّيْنِ.
أَمَّا بَعْدُ، فَيَآ أَيُّهَا المُؤْمِنُوْنَ أُوْصِيْكُمْ وَنَفْسِيْ بِتَقْوَى اللهِ فَقَدْ فَازَ المُتَّقُوْنَ. وَاتَّقُوْا اللهَ حَقَّ تُقاَتِهِ وَلاَتَمُوْتُنَّ إِلَّا وَأَنْتُمْ مُسْلِمُوْنَ. قَالَ اللهُ تَعَالَى كَيْفَ تَكْفُرُوْنَ بِاللّٰهِ وَكُنْتُمْ اَمْوَاتًا فَأَحْيَاكُمْۚ ثُمَّ يُمِيْتُكُمْ ثُمَّ يُحْيِيْكُمْ ثُمَّ اِلَيْهِ تُرْجَعُوْنَ.
اَللهُ أَكْبَرُ (٣ كالى) وَلِلّٰهِ الْحَمْدُ
Alhamdulillahi-rabbil-’alamin, kerana dhâddhi kalimat se paling lerres ematorraghi e dalem kasempatan se sanget moljâ ka’dinto. Asabab, Allah SWT kantos are samangken tettep apareng nikmat se tak kobâsa ebitong settong-parsettongnga. Mulae dari nikmat kasehatan, nikmat kabhungaan tor kajhembhârân e are se socce asareng sadhâjâ kabulâna Allah SWT hadir e papangghiyan se bhanget moljâ ka’dinto. Bennyak tan-taretan abdhina sareng ajunan sadhâjâ se tak kongang ngoladhi salera kasoccean Idul Fitri tor jhughân arassaaghi kabhungaan amarghâ kalerressan songkan otabâ ampon ngadhep dâ’ ajunannepon Allah SWT.
Sadhâjâna nikmat se tebha kakdinto patot esokkore sopajâ tak kabitong minangka oreng-oreng se kufur nikmat, oreng-oreng se kasta amarghâ nikmat epon epondhut sareng Ghuste Allah SWT. Estona, abdhina sareng ajunan sadhâjâ bisa arassaaghi manissa nikmat e bakto nikmat ampon epondhut sareng Ajunannepon Allah SWT. Akadhiyâ nikmat sehat se bhuru ekarassa e bakto sakek ampon tebha dâ’ bhâdhân.
اللهُ أَكْبَرُ، اللهُ أَكْبَرُ، اللهُ أَكْبَرُ، لَآ إِلٰهَ إِلَّا اللهُ، وَاللهُ أَكْبَرُ، اللهُ أَكْبَرُ وَلِلّٰهِ اْلحَمْدُ
Jama’ah Shalat Idul Fitri se emoljhaaghi Allah
E kasempatan kakdinto, ngireng abdhina sareng ajunan sadhâjâ nambâi rassa pangatako’ dâ’ Ajunannepon Allah SWT sekakdimma dhâddhi tojjhuwân otama dari parenta ibadah poasa e bulan Ramadhan. Akadhiyâ se ampon etegghessaghi e dalem Al-Qur’an:
يٰٓاَ يُّهَا الَّذِيْنَ اٰمَنُوْا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِيْنَ مِنْ قَبْلِكُمْ لَعَلَّكُمْ تَتَّقُوْنَۙ
Arteepon: Hei oreng-oreng se iman kabbhi, ewajibbâghi dâ’ bâkna kabbhi apoasa, padanah se ewajibbhâgi dâ’ ka oreng-oreng sabellunna bâkna, sopajâ bâkna kabbhi (dhâddhi oreng se) takwa.” (Al-Baqarah: 183).
Saengghâ e are se socce kakdinto, saamponna ajhâlânnaghi ibadah poasa kalaban iman tor pasra dâ’ Ajunannepon Allah SWT, maka saestona sefat katakwaan ampon cekkak e abdhina tor ajunan sadhâjâ. Sefat kakdinto e antarana eparengi kategghuwân ate sopajâ bisa ajhâlânnaghi sadhâjâ parentaepon Allah SWT tor ajhâui sadhâjâ ponapa se elarang.
Jama’ah Shalat Idul Fitri se erahmati Allah
Tellasan Idul Fitri kakdinto jhughân daddhi kasempatan se sae mongghu abdhina sadhâjâ kaangghuy maos takbir minangka bhukte ngaghungngaghi Ajunannepon Allah SWT, dzat se Maha Moljâ. Coma Allah SWT se ghadhuwân hak paleng kobasa atas sadhâjâ ponapa bisaos se bâdâ e bhumi tor sadhâjâ alam kakdinto. Tamasok parkara-parkara se tebha dâ’ abdhina sareng ajunan sadhâjâ. Sanyatana, abdhina sareng ajunan sadhâjâ engghi kakdinto kabulâ se apes, kabulâ se edhâddhiyâghi dari tana.
Allah SWT adhabu e dalem Al-Qur’an surah Al-Mu’minun ayat 12:
وَلَقَدْ خَلَقْنَا الْاِنْسَانَ مِنْ سُلٰلَةٍ مِّنْ طِيْنٍ
Arteepon: “Saongghuna sengkok nyiptaaghi manussa dâri saripati se asalla dari tanah.”
Seeterrossaghi kalaban ayat 13:
ثُمَّ جَعَلْنٰهُ نُطْفَةً فِيْ قَرَارٍ مَّكِيْنٍ
Arteepon: “Pas terros sengkok adhaddhiyaghi manni e dalem baddha se koat (Rahim)”
Saterros epon, Allah SWT jhughân ajellassaghi kaaghungan tor kakobâsaannepon e dalem nyiptaaghi jhâsad tor ruh abdhina sareng ajunan sadhâjâ e dalem ayat 14:
ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظٰمًا فَكَسَوْنَا الْعِظٰمَ لَحْمًا ثُمَّ أَنْشَأْنٰهُ خَلْقًا اٰخَرَۗ فَتَبَارَكَ اللّٰهُ اَحْسَنُ الْخٰلِقِيْنَۗ
Arteepon: “Pas, manni jâreya sengkok daddhiyaghi parkara se aghântong (dârâ). Terros dari parkara se aghântong jâreya sengkok adhâddhiyâghi sakeppel dhâghing. Sakeppel dhâghing jâreya edhaddhiyagi lang-tolang. Pas lang-tolang jâreya e bhundhu’ kalabân dhâghing. Se saterrossa edhâddhiyâghi ban sengkok makhlok se a ropa laen. Maha Socce Allah se sabhâghus-bhâghussa dzat se nyipta.”
اللهُ أَكْبَرُ، اللهُ أَكْبَرُ، اللهُ أَكْبَرُ، لَآ إِلٰهَ إِلَّا اللهُ، وَاللهُ أَكْبَرُ، اللهُ أَكْبَرُ وَلِلّٰهِ اْلحَمْدُ
Jama’ah shalat Idul Fitri se emoljâaghi Allah
Tello ayat se ampon ejellassaghi e attas sopâjâ ma apangrasa dâ’ kaaghungan tor kakobâsaannepon Allah SWT, dhining abdhina sareng ajunan sadhâjâ namung makhlok se sanget apes. Hal kakdinto malar moghâ adhâddhiyâghi abdhina sareng ajunan sadhâjâ takok tor taat sabab cinta mongghu Ajunannepon Allah SWT.
Jhughân dari tello ayat se kasebbhut e attas kakdinto, abdhina sareng ajunan sadhâjâ enga’ dâ’ asalla tor bhâkal abali dâ’ ka asalla, engghi kakdinto Ajunannepon Allah SWT se Maha Kobasa. Laen dâri kakdinto abdhina sareng ajunan sadhâjâ kodhu enga’ jhâk saongghuna e cepta’aghi dâri parkarasa se apes tor bhakal abali daddhi apes. Abdhina sareng ajunan sadhâjâ jhughân bhâkal alebâdhi kabâdâân dâri tadak tor bhâkal abâli pole dâ’ ka tadak.
Allah swt adhâbu:
كَيْفَ تَكْفُرُوْنَ بِاللّٰهِ وَكُنْتُمْ أَمْوَاتًا فَاأحْيَاكُمْۚ ثُمَّ يُمِيْتُكُمْ ثُمَّ يُحْيِيْكُمْ ثُمَّ إِلَيْهِ تُرْجَعُوْنَ
Arteepon: “Dâ’râmmâ bâkna mongker dâ’ Allah, hale bâkna kabbhi (awâlla) mate pas Allah ma odi’, maka kare-kare Allah bhakal ma mate dâ’ bâkna kabbhi, ban maka kare-kare bhakal ma odi’ pole dâ’ bâkna kabbhi. Ban coma dâ’ ka Allah bâkna kabbhi abali.” (QS. Al-Baqarah: 28).
Takbir, tahmid, tor tahlil se emaos lesanna abdhina sareng ajunan sadhâjâ e are se bhânget socce kakdinto nyopre tamen e dalem ate. Takbir se ma’aghung asmaepon Allah, sanyaktena kodhu makeni’ napso tor kaangkowanna abdhina sareng ajunan sadhâjâ. Takbir tandha kabhunga’an e are tellasan, sanyaktena kodhu dhâddhi tatengnger sopajâ abâ’ ajâgâ kasoccean kakdinto. Takbir e are telasan kodhu bisa matombu dalem ate ngonjhukkaghi pojhi sokkor dâ’ se ngobâsani sadhâjâ alam.
Ngireng arengsareng ker-mekker makna dhuwa e bakto I’tidal dalem sambâjâng se emaos sabban are:
رَبَّنَا لَكَ الْحَمْدُ مِلْءَ السَّمَوَاتِ وَمِلْءَ الْأَرْضِ وَمِلْءَ مَا شِئْتَ مِنْ شَيْءٍ بَعْدُ
Arteepon: “Du Ghuste Pangiran abdhina! Sadhâjâ pojhi kaator dâ’ ajunan, sabânnya’na essenna langngi’ tor bhumi, tor sabânnya’na bhârang se Ajunan kasokani salastarena.”
Dhuwâ kakdinto aropaaghi pangakoan abdhina sareng ajunan sadhâjâ atas kaaghungannepon Allah se lebbi aghung kaaghunganna dâri bhumi tor saessena. Dhuwâ kakdinto nyaktenah kodhu maenga’ jhâk saongghuna abdhina sareng ajunan sadhâjâ namung parkara se sanget kenik tor apes e Ajunannepon Allah SWT.
اللهُ أَكْبَرُ اللهُ أَكْبَرُ اللهُ أَكْبَرُ لاَ إِلهَ إِلاَّ اللهُ، وَاللهُ أَكْبَرُ، اللهُ أَكْبَرُ وَلِلّٰهِ اْلحَمْدُ
Mila dari kakdinto, Jama’ah Shalat Idul Fitri se erahmati Allah, Ngireng dhâddhiyâghi tellasan Idul Fitri kakdinto minangka kasempatan ngangghi’ kamoljaan tor kaaghungan epon Allah SWT. Jhughânan minangka pangoat ajâgâ kasoccean abâ’. Salastarena ajhâlani ibadah tor pangajhârân e bulan Ramadhan, abdhina sareng ajunan sadhâjâ kodhu bisa dhâddhi kabulâ se lebbi sae salastarena ajhâlâni ibadah puasa sabulân bhenteng.
Dalem poasa, abdhina sareng ajunan sadhâjâ jhughân epakon tak adhâ’âr tor nginum. Saengghâna salastarena poasa kakdinto tak adâ’âr parkara ponapa bisaos se banni hak-epon. Dalem poasa jhughân ampon biasa dalem kabâdâân bibir kerreng sabâb pelka’, mata mele’ sabab lesso, tabu’ kepa’ sabab ngampet lapar, saengghâ jhak sampe’ kabingkengnga ngalakoni parkara jhubâ’ sabab kaniajâ dâ’ oreng laen.
E bulan Ramadhan abdhina sareng ajunan sadhâjâ bisa khusyuk dalem bhâjâng. Saenggha jhak sampe’ salastarena kakdinto khusyuk jhughân arampas hak-epon oreng laen. E bulan Ramadhan jhughân penter maos ayat-ayat Al-Qur’an, saengghâ salastarena jhak sampe’ penter nepo tor congoco oreng laen.
اللَّهُمَّ أَرِنَا الْحَقَّ حَقًّا، وَارْزُقْنَا اتِّبَاعَهُ. ،وَأَرِنَا الْبَاطِلَ بَاطِلاً، وَارْزُقْنَا اجْتِنَابَهُ
Arte epon: “Du Ghuste Allah, paddhângngaghi dâ’ abdhina kabhenderan minangka kabhenderan. Tor parengi rajekke abdhina sopajâ bisa ngereng, tor paddhângngaghi dâ’ abdhina kasala’an minangka kasala’an. Tor parengi rajekke abdhina ajhaui kasala’an kakdinto.”
Ngireng dhâddhiyâghi tellasan Idul Fitri kakdinto, minangka Idul Fitri se paleng bhâghus. Sabab abdhina sareng ajunan sadhâjâ tak ngaghâli bisa tapangghi pole dâ’ Idul Fitri se bhâkal dateng ponapa bhunten. Ngireng saleng nyapora atas sadhâjâ dhusa se ampon elakoni nyopre makoat kasoccean abdhina sareng ajunan sadhâjâ. Rasulullah adhabu dalem haditssepon:
الْفَضْلُ فِيْ أَنْ تَصِلَ مَنْ قَطَعَكَ وَتُعْطِي مَنْ حَرَمَكَ وَتَعْفُوَ عَمَّنْ ظَلَمَكَ (رواه هناد)
Searte epon: “Dhining kaotamaan engghi kakdinto sampaen nyapa dâ’ ka oreng se tak nyapa dâ’ sampeyan, apareng dâ’ ka oreng se tak areng-pareng dâ’ sampeyan, tor jhughân nyapora dâ’ ka oreng se kaniajâ ka sampeyan.” (HR Hanaad, Kitab Al-Jami’us Shaghir).
Kong-langkong nyu’un sapora dâ’ duwâ’ oreng seppo se ampon alahirraghi abdhina sareng ajunan sadhâjâ dâ’ ka dhunnya. Sanget ontong se ghik ghenna’ orengseppona. Orengseppo aropa’aghi jhimat se kodhu jâgâ. Orengseppo ampon ce’ rajâna paparenga dâ’ abdhina sareng ajunan sadhâjâ saenggha bisa sukses neng kaodi’ân dhunnya.
Dâ’ rengseppona se ampon adhinggâl dhunnya, tettep bisa ngabhâkte kalaban asajârâ dâ’ astanah. Nyu’unnaghi dâ’ Ajunannepon Allah SWT malar moghâ sadhâjâ dhusa-dhusaepon esapora tor etarema sadhâjâ amal kabhagusannepon. Orengseppo tak bhuto dhunnya tor pangkat nakpotoepon. Namung dhuwâ tor kabhâghusân nakpotoepon e tos-dântos neng alam kobhurrepon. Malar moghâ Allah SWT nyambhâdhâna dhuwâ abdhina sareng ajunan sadhâjâ se eyatorraghi dâ’ ka duwâ’ orengseppo. Amin.
Jama’ah salat Idul Fitri se erahmati Allah.
Sakakdinto khutbah Idul Fitri, malar moghâ bisa adhâddhiyâghi pamekkeran socce. Malar moghâ amal ibadah abdhina sareng ajunan sadhâjâ e bulan Ramadan tor are-are se saterrossa katarema’ah mongghu Ajunannepon Allah SWT. Tor malar moghâ jhughân edhâddhiyâghi bitonganna oreng se socce pole kalabân ngaolle rassa pangatako’. Amin.
جَعَلَنَا اللهُ وَإِيَّاكُمْ مِنَ اْلعَآئِدِيْنَ وَاْلفَآئِزِيْنَ وَاْلمَقْبُوْلِيْنَ، وَأَدْخَلَنَا وَإِيَّاكُمْ فِي زُمْرَةِ عِبَادِهِ الصَّالِحِيْنَ. أَقُوْلُ قَوْلِي هٰذَا وَاسْتَغْفِرُوْا اللهَ لِي وَلَكُمْ، وَلِوَالِدَيْنَا وَلِسَآئِرِ اْلمُسْلِمِيْنَ وَاْلمُسْلِمَاتِ، فَاسْتَغْفِرُوْاهُ، إِنَّهُ هُوَاْلغَفُوْرُ الرَّحِيْمُ.
اَللهُ أَكْبَرُ (٣ كالى) وَلِلّٰهِ الْحَمْدُط
#Khutbah II
اَللهُ أَكْبَرُ (٧ كالى) كَبِيْرًا وَالْحَمْدُ لِلّٰهِ كَثِيْرًا وَسُبْحَانَ اللهِ بُكْرَةً وَأَصِيْلاً. لَآ إِلٰهَ اِلاَّ اللهُ وَاللهُ اَكْبَرُ، اللهُ اَكْبَرُ وَلِلّٰهِ اْلحَمْدُ. اَلْحَمْدُ لِلّٰهِ الَّذِيْ وَكَفَى، وَأُصَلِّيْ وَأُسَلِّمُ عَلَى سَيِّدِنَا مُحَمَّدِنِ الْمُصْطَفَى، وَعَلَى آلِهِ وَأَصْحَابِهِ أَهْلِ الصِّدْقِ وَالْوَفَا. أَشْهَدُ أَنْ لَآ إلٰهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ.
أَمَّا بَعْدُ، فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ. فَقَالَ: إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا، اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ.
اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَآءِ مِنْهُمْ وَالْأَمْوَاتِ، اللهم ادْفَعْ عَنَّا الْبَلَآءَ وَالْغَلَآءَ وَالْوَبَآءَ وَالْفَحْشَآءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَآئِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هٰذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ.
عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَآءِ ذِي الْقُرْبَى ويَنْهَى عَنِ الفَحْشَآءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَلَذِكْرُ اللهِ أَكْبَرُ.
اَللهُ أَكْبَرُ اَللهُ أَكْبَرُ اَللهُ أَكْبَرُ. لَا اِلٰهَ اِلَّا اللهُ وَاللهُ أَكْبَرُ. اَللهُ أَكْبَرُ وَ لِلّٰهِ الْحَمْدُ.
- Diterjemahkan dari website NU Online
- Penyusun: Ustadz H. Muhammad Faizin, (Sekretaris PCNU Kabupaten Pringsewu, Lampung)
- Judul Asli: Khutbah Idul Fitri: Renungan Suci di Hari yang Fitri
- Alih Bahasa: Tim LTN PCNU Sumenep
File khutbah di atas dalam bentuk PDF ukuran A4, klik tombol di bawah ini.
