Naskah khutbah Idul Fitri 1447 H dengan bahasa Madura berikut ini mengajak kepada para jamaah shalat hari raya untuk terus konsisten berbuat baik dan saling memaafkan.
#Khutbah I
اللّٰهُ أَكْبَرُ 4× اللّٰهُ أَكْبَرُ 4×
اللّٰهُ أَكْبَرُ كَبِيْرًا، وَالْحَمْدُ لِلّٰهِ كَثِيْرًا، وَسُبْحَانَ اللّٰهِ بُكْرَةً وَأَصِيْلًا، لَآ إِلٰهَ إِلَّا اللّٰهُ وَاللّٰهُ أَ كْبَرُ وَ لِلّٰهِ الْحَمْدُ. اَلْحَمْدُ لِلّٰهِ الَّذِيْ جَعَلَ هٰذَا الْيَوْمَ عِيْدًا لِعِبَادِهِ الْمُؤْمِنِيْنَ، وَأَشْهَدُ أَنْ لَآ إِلٰهَ إِلَّا اللّٰهُ وَحْدَهُ لَا شَرِيْكَ لَهُ، الْمَلِكُ الْحَقُّ الْمُبِيْنُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ صَادِقُ الْوَعْدِ الْأَمِيْنُ. اَللّٰهُمَّ صَلِّ وَسَلِّمْ وَبَارِكْ عَلٰى سَيِّدِنَا مُحَمَّدٍ وَ اٰلِهِ وَاَصْحَابِهِ الْأَكْرَمِينْ، أَمَّا بَعْدُ، فَيَا عِبَادَ اللّٰهِ، اِتَّقُوْا اللّٰهَ وَاعْلَمُوْا أَنَّ اللّٰهَ جَعَلَ الْعِيْدَيْنَ كُلَّ سَنَةٍ عَقِبَ كَمَالِ رُكْنَيْنِ مُهِمَّيْنِ مِنْ أَرْكَانِ الْإِسْلَامِ، وَهُمَا الصَّوْمُ وَالْحَجُّ، وَأَنَّ يَوْمَكُمْ هٰذَا يَوْمٌ عَظِيْمٌ ، وَعِيْدٌ كَرِيْمٌ، وَجَعَلَ فِيْ هٰذَا الْيَوْمِ يَوْمَ التَّكْبِيْرِ وَالتَّذْكِيْرِ لِلّٰهِ عَزَّ وَجَلَّ، وَاذْكُرُوا اللّٰهَ ذِكْرًا كَثِيْرًا، وَكَبِّرُوْهُ تَكْبِيْرًا، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ.
Sadhâjâ jama’ah idul fitri, hadirin hadirat sè bhâdhân kaulâ ngormadhin.
Para tarètan kaom muslimin, molaèn malemma sampè’ arè samangkèn, bhâdhân kaulâ sadhâjâ, ros-terrosan a dzikir kalabân kalimat takbir bân tahmid, ya’ni kalimat
اللّٰهُ أَكْبَرُ
sè èmaos kalabân sowara sè gemuruh, sowara sè agemparraghi. Ka’dinto penting ka’angghuy tambâna syi’ar aghâma Islam tor sopajâ tambâ meresap ka dâlem jiwa raga umat Islam, lebbi mantep polè dha’ ka perasa’an ka’angghuy ngaollè pangartèyan sè èghindu’ è dalem kalimat takbir.
Pangartèyan takbir èngghi ka’dinto ponapa’a bisaos rajâna bhâdhân kaulâ sadhâjâ, kadhiyâ ponapa’a bisaos tèngghina kedudukan sareng pangkat, kadhiponapa’a bisaos rajâna bhârâng sè rajâ, kakowatanna bhârâng se kowat, sadhâjâna ka’dinto kèni’ mongghu Allah Swt.
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، لَآ إِلٰهَ إِلَّا اللّٰهُ وَ اللّٰهُ أَ كْبَرُ وَلِلّٰهِ الْحَمْدُ
Ngèrèng pabânnya’ asyokkor, dâ’ gustè Allah sè maha rajâ. Kalabân rahmat sareng pètolongnga, bhâdhân kaulâ sadhâjâ ampon ngalaksana’aghi sèttong tugas muljâ, sèttong tugas berrâ’, èngghi panèka ngalakonin ‘ibâdâ poasa minangka rukun Islam sè nomer empa’.
Kalakoan poasa ka’dinto bânni kalakoan sè ghâmpang, bânni kalakoan sè dhâmmang, karna kodhu ngadeppin hawa napso, kodhu nahan kalakoan-kalakoan sè èkasenengin napso rè-sa’arèna, èngghi ka’dinto nyegghâ dâri adhâ’âr, nginom, tor sapadâna ènalèkana sèang. Salaèn dâri ka’dinto jhughân, ka’angghuy ajhâuin kalakoan-kalakoan sè èlarang sareng aghâma Islam, saè sè èlarang lèbât lèsan, akadhiyâh aghibah, dhungaddhu, afitnah, acaca lècèk, ca’-ngoca’èn orèng, nèpo orèng, ca’-oca’ jhubâ’, mamiso, dhèngghi, riya’, ujub, takabbur, sareng sapadâna sè bisa nimbullaghi karosakan sareng agânggu katentraman-katentraman.
Samughâ, latèyan bâdhân kaulâ sadhâja selama bulân Ramadhan, bisa èbhâkta neng èloar Ramadhan, saèngghâ bisa ajhâlânin kaodi’ân kalabân lebbi saè polè.
Para tarètan kaum muslimin sè èmoljâ’aghi Allah Swt, Ghustè kanjeng nabi Muhammad Saw adhâbu:
مَنْ صَامَ رَمَضَانَ إِيْمَانًا وَاحْتِسَابًا غُفِرَلَهُ مَا تَقَدَّمَ مِنْ ذَنْبِهِ
Artèèpon: Pasèra orèng sè apoasa Ramadhan atas dhâsar iman bân ngarep ridla’nah Allah Swt, maka èsapora dhusana sè ampon kalèbât.
Namung, ghi’ bâdâ beban dhusa dâ’ ka sapadâna, maka Allah Swt panèka ta’ kasokan ka’angghuy nyapora manabi ghi’ belun nyo’on saporah dâ’ ka orèng sè pernah èsalaèn.
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، لَآ إِلٰهَ إِلَّا اللّٰهُ وَ اللّٰهُ أَ كْبَرُ وَلِلّٰهِ الْحَمْدُ
Dâri panèka, neng arè sè soccè panèka, ngèrèng ummat Islam kodhu sadar ka kasala’an bân ka dhusana dâ’ ka sapadâna. Neng è arè sè soccè panèka, ta’ pantes bhâdhân kaulâ sadhâjâ orèng Islam ka’angghuy angkat gengsi, otabâ angkat ego terhadap sesama. Ngèrèng ka’angghuy nyo’on sapora kalabân tulus dâ’ ka orèng sè pernah èsalaèn, pernah èsakè’èn sareng bhâdhân kaulâ sadhâjâ.
Èmot dâ’ ka dhâbuna kanjeng Nabi, manabi èrenungaghi ma’nana, mungkin sanaossa kodhu matoron gengsi, kodhu jângajâ ka todus, sanajjân kesibukan harian, panèka mastè orèng panèka èntar ka’angghuy nyo’on sapora. È dâlem sèttong hadits, kanjeng Nabi adhâbu:
أَتَدْرُوْنَ مَنِ الْمُفْلِسْْ؟
Taoah bâ’ân sapa orèng sè bangkrut jâriyah
قَالُوْا: اَلْمُفْلِسُ فِيْنَا مَنْ لَادِرْهَمَ لَهُ وَلَامَتَاعَ
Dhâbunah para sahabhât: Sè anyamah orèng bangkrut minorot bhâdhân kaulâ sadhâjâ, èngghi ka’dinto orèng sè ampon ta’ andi’ dirham, ta’ andi’ pèssè, bân ta’ andi’ arta.
Kanjeng Nabi pas ajellasaghi: “Ummata sèngko’ sè bangkrut jâriya, iyâ areya orèng sè neng arè kiamat ghu’-lagghu’ ngibâ ghânjhârânna shalat, poasa, bân zakat, panèka jhughân ngibâ dhusa, pernah mencerca, pernah nuduh zina, pernah adhâ’âr artana orèng laèn, pernah alokaèn orèng laèn kalabân tanpa hak, pernah mokol orèng laèn, maka orèng sè èsakè’èn ka’dinto, bhâkal èpondhuttaghi dâri kabhâghusanna orèng sè la-nyala. Manabi kabhâgusanna orèng sè la-nyala ta’ cokop, maka kasala’anna orèng sè pernah èsalaèn ka’dinto sè èbebannaghi dâ’ orèng sè la-nyala.”
Para tarètan kaum muslimin sè èmoljâ’âghi Allah Swt. Ngèrèng neng arè tellasan ka’dinto, bhâdhân kaulâ sadhâjâ bertekad bulat tor aniat sè kowat ka’angghuy abâli dâ’ ka fitrah bhâdhân kaulâ sadhâjâ, sè bhersè tanpa dhusa è antarana bhâdhân kaulâ sadhâjâ:
Nomer sèttong, kodhu tettep istiqamah taat dâ’ ka Allah Swt, akadhiyâ sè ampon èlakonè selama bulân Ramadhan, sè ka’dimma bulân Ramadhan ka’dinto aropa’aghi madrasah, kalowar dâri madrasah, justru medan laga kehidupan saongghuna èngghi panèka sabelâs bulan sè bhâkal dâteng.
Nomer duwâ’, mabânnya’ silaturrahim, ka’angghuy maseggher hubungan antar sesama demi terwujudnya ukhuwah islamiyah, sè neng è jhâman samangken ka’dinto namung sebatas dhâdhâbu. Ngèrèng pas praktèkkaghi.
Nomer tello’, ngèrèng nyu’un sapora dâ’ ka pasèra’a bisaos sè pernah kenal, tor sè perna bhâdhân kaulâ sadhâjâ hubungin, langkong-langkong sè diduga bhâdhân kaulâ sadhâjâh panèka berbuat salah.
Se nomer empa’, atas dhâsar iman tor niat se tulus, bhâdhân kaulâ sadhâjâ jhughân nyapora sadhâjâ orèng sè perna alako sala dâ’ bhâdhân kaulâ sadhâjâ, saè orèng ka’dinto sempat minta sapora otabe ta’ sempat. Ngèrèng loppa’aghi sadhâjâ sè ta’ masaè dâ’ ka atè neng è wàkto sè tapongkor, tor bhâdhân kaulâ sadhâjâ ngèrèng tatap masa depan kalabân penuh harapan. Sisihkan sabâgiyân arta bhâdhân kaulâ sadhâjâ, baik lèbât zakat, infaq, wakaf, otaba sandâka, ka’angghuy nyantunin faqir miskin, orèng-orèng sè ta’ mampu, tor sadhâjâna bentuk amal sosial.
إِنَّ أَحْسَنَ الْكَلَامِ وَأَبْيَنَ النِّظَامِ كَلَامُ اللّٰهِ الْمَلِكِ الْعَلَّامِ ذِيْ الْجَلَالِ وَ الْاِكْرَامِ، وَ اللّٰهُ سُبْحَانَهُ وَ تَعَالٰى يَقُوْلُ وَبِقَوْلِهٖ يَهْتَدِيْ الْمُهْتَدُوْنَ. أَعُوْذُ بِاللّٰهِ مِنَ الشَّيْطَانِ الرَّجِيْمِ ، ﴿قَدْ أَفْلَحَ مَنْ تَزَكّٰى ، وَذَكَرَ اسْمَ رَبِّهٖ فَصَلّٰى ، بَلْ تُؤْثِرُوْنَ الْحَيَاةَ الدُّنْيَا ، وَالْأٰخِرَةُ خَيْرٌ وَأَبْقٰى﴾
الدُّعَآءُ: بَارَكَ اللّٰهُ لِيْ وَلَكُمْ فِيْ الْقُرْآنِ الْعَظِيْمِ ، وَنَفَعَنِيْ وَاِيَّاكُمْ بِمَا فِيْهِ مِنَ الْأٰيَاتِ وَالذِّكْرِ الْحَكِيْمِ ، وَتَقَبَّلَ مِنِّيْ وَمِنْكُمْ تِلَاوَتَهُ إِنَّهُ هُوَ السَّمِيْعُ الْعَلِيْمِ. أَقُوْلُ قَوْلِي هٰذَا وَأَسْتَغْفِرُ اللّٰهَ الْعَظِيْمَ لِيْ وَلَكُمْ ، وَلِسَآئِرِ الْمُسْلِمِيْنَ وَالْمُسْلِمَاتِ وَ الْمُؤْمِنِيْنَ وَ الْمُؤْمِنَاتِ، فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ.
اللّٰهُ أَكْبَرُ ٤× لَآ إِلٰهَ إِلَّا اللّٰهُ وَاللّٰهُ أَ كْبَرُ، اللّٰهُ أَكْبَرُ وَ ِللّٰهِ الْحَمْدُ
#Khutbah II
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ. اللّٰهُ أَكْبَرُ كَبِيْرًا وَاْلحَمْدُ لِلّٰهِ كَثِيْرًا وَسُبْحَانَ اللّٰهِ بُكْرَةً وَ أَصِيْلاً. لَآ إِلٰهَ إِلاَّ اللّٰهُ وَاللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ.
الْحَمْدُ لِلّٰهِ الَّذِيْ وَكَفٰى، وَأُصَلِّيْ وَأُسَلِّمُ عَلَى سَيِّدِنَا مُحَمَّدِنِالْمُصْطَفٰى، وَعَلَى أٰلِهِ وَأَصْحَابِهِ أَهْلِ الصِّدْقِ وَالْوَفَا. أَشْهَدُ أَنْ لَآ إِلٰهَ إِلَّا اللّٰهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ.
أَمَّا بَعْدُ: فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللّٰهِ الْعَلِيِّ الْعَظِيْمِ وَاعْلَمُوْا أَنَّ اللّٰهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ. فَقَالَ: ﴿إِنَّ اللّٰهَ وَمَلَآئِكَتَهُ يُصَلُّونَ عَلَى النَّبِيِّ، يَآ أَيُّهَا الَّذِينَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا﴾ اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ.
الدُّعَآءُ: اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَآءِ مِنْهُمْ وَالْأَمْوَاتِ، اَللّٰهُمَّ ادْفَعْ عَنَّا الْبَلَاءَ وَالْغَلَآءَ وَالْوَبَآءَ وَالرِّبَا وَالزِّنَا وَالزَّلَازِلَ وَالْمِحَنَ وَسُوْءَ الفِتَنِ مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ. آمِيْن يَا رَبَّ الْعَالَمِيْنَ.
عِبَادَ اللّٰهِ، إنَّ اللّٰهَ يَأْمُرُ بِالْعَدْلِ وَالْإِحْسَانِ وَإِيْتَاءِ ذِيْ الْقُرْبٰى ويَنْهٰى عَنِ الفَحْشَآءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللّٰهَ الْعَظِيْمَ يَذْكُرْكُمْ وَاشْكُرُوْا عَلَى نِعَمِهِ يَزِدْكُمْ، وَلَذِكْرُ اللّٰهِ أَكْبَرُ. اللّٰهُ أَكْبَرُ، اللّٰهُ أَكْبَرُ، لَآ إلهَ إِلَّا اللّٰهُ وَ اللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ
- Penyusun: K.H. MUHAMMAD BAHRUL WIDAD (Katib PCNU Sumenep)
- Editor Teks: Ustadz Taufiqurrahman
- Diterbitkan atas kerjasama: LTM dan LTN PCNU Sumenep.
- File khutbah di atas dalam bentuk PDF ukuran A4, klik tombol di bawah ini.
