#Khutbah I
اَللهُ أَكْبَرُ اَللهُ أَكْبَرُ اَللهُ أَكْبَرُ. اَللهُ أَكْبَرُ اَللهُ أَكْبَرُ اَللهُ أَكْبَرُ. اَللهُ أَكْبَرُ اَللهُ أَكْبَرُ اَللهُ أَكْبَرُ.
اَللهُ أَكْبَرُ كُلّمَا هَلَّ هِلَالٌ وَأَبْدَرَ. اَللهُ أَكْبَرُ كُلَّمَا صَامَ صَائِمٌ وَأَفْطَرَ. اَللهُ أَكْبَرُ اَللهُ أَكْبَرُ اَللهُ أَكْبَرُ. لَا اِلٰهَ اِلَّا اللهُ وَاللهُ أَكْبَرُ وَ للهِ الْحَمْدُ.
الْحَمْدُ لِلّٰهِ الَّذِيْ جَعَلَ لِلْعِبَادِ يَوْمَ عِيْدٍ يَعُوْدُ عَلَيْهِمْ فِيْ كُلِّ سَنَةٍ وَ يَتَكَرَّرُ. وَجَعَلَ لَهُمْ صَوْمَ رَمَضَانَ وَأَفْطَرَ. وَأَشْهَدُ أَنْ لَا اِلٰهَ اِلَّا اللهُ وَحْدَهُ لَا شَرِيْكَ لَهُ الْمَلِكُ الْأَكْبَرُ. وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ خَيْرُ الْخَلَائِقِ وَالْبَشَرِ. اَللّٰهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ الشَّافِعِ فِي الْمَحْشَرِ، وَعَلَى اٰلِهِ وَأَصْحَابِهِ الْأَطْهَارِ. اَللهُ أَكْبَرُ. اَمَّا بَعْدُ:
فَيَا أَيُّهَا النَّاسُ اِتَّقُوا اللهَ فِيْ مَا أَمَرَ وَانْتَهُوْا عَمَّا نَهَى اللهُ عَنْهُ وَحَذَّرَ
اَللهُ أَكْبَرُ (٣ كالى) وَلِلّٰهِ الْحَمْدُط
Jamaah Shalat Idul Fitri se emoljâaghi sareng Allah SWT…
Ngireng abdhina sareng para ajunan ngonjhukkaghi pojhi kalabân sokkor dâ’ ajunannepon Allah Swt, se ampon apareng nikmat iman, Islam tor jhugâ nnikmat sehat wal ‘afiat. Saengghâ bisa alaksana’aghi salat Idul Fitri e are samangken.
Shalawat tor jughân salam, ngireng areng-sareng atorraghi dâ’ ajunannepon Kanjeng Nabi Muhammad SAW, jhughân dâ’ para karabhât tor sohabatrepon. Malar moghâ kenginga syafaattepon.
Jamaah Shalat Idul Fitri se emoljaaghi sareng Allah SWT…
Are mangken aropa’aghi settong are se sanget moljâ. Pongkasan dâri bulan poasa se ampon ejhâlannaghi sabulân bhenteng engghi kadinto tellasan Idul Fitri 1444 Hijriyah. Sadhâjâ umat Islam ghadhuwân kawajibân ngaghungngaghi are se bhânget aghung kadinto. Dari sakeng wajibbha, bhâdhân kaulâ sareng ajunan tak ekengingaghi apoasa, khusus e are samangken.
Salaen kadinto, sabelunna tebhâ are se sanget aghung, bhâdhân kaulâ sareng ajunan jhughân ewajibbhâghi majar zakat dâ’ oreng-oreng se korang mampu, oreng fakir miskin se bâdâ e seddhi’na bhâdhân kaulâ sareng ajunan. Sopaj â oreng-oreng dhuafa kadinto jhughân bisa arassa’aghi kanikmadh â n tor kabhunga’an se eghandhu’ abdhina sareng para ajunan.
Jhughânan, e malemma are se sanget aghung kadinto, sadhâjâ umat Islam ekengingngaghi maos takbir arengsareng kantos manjheng shalat Ied. Hal kadinto ampon jelas epakon sareng Ghuste Allah e dalem Al-Qur’an Surah Al-Baqarah ayat 185:
شَهْرُ رَمَضَانَ الَّذِيْ اُنْزِلَ فِيْهِ الْقُرْاٰنُ هُدًى لِّلنَّاسِ وَبَيِّنٰتٍ مِّنَ الْهُدٰى وَالْفُرْقَانِۚ فَمَنْ شَهِدَ مِنْكُمُ الشَّهْرَ فَلْيَصُمْهُ ۗ وَمَنْ كَانَ مَرِيْضًا اَوْ عَلٰى سَفَرٍ فَعِدَّةٌ مِّنْ اَيَّامٍ اُخَرَ ۗ يُرِيْدُ اللّٰهُ بِكُمُ الْيُسْرَ وَلَا يُرِيْدُ بِكُمُ الْعُسْرَ ۖ وَلِتُكْمِلُوا الْعِدَّةَ وَلِتُكَبِّرُوا اللّٰهَ عَلٰى مَا هَدٰىكُمْ وَلَعَلَّكُمْ تَشْكُرُوْنَ
Arteepon (korang langkong): Bulân Ramadhan reya (bulân) eka’dimma Al-Quran e toronnaghi, minangka petodhu da’ ka manussa ban penjelasan-penjelasan mengenai petodhu kasebbhut ban pembeda (antara yang bhender ban se bathil). Mila dari jareya, sapa-sapa oreng eantarana bakna kabbhi bâdâ e bulan jareya, maka apoasa . Ban sapa-sapa se sake’ otabâ bada parjhâlânan (pas oreng jareya tak apoasa), maka (wajib aghante’e poasana), sabannya’na are se-edhina, e are-are se laen. Allah ngasokani ka se-ghampang ka bakna kabbhi, ban tak ngasokani ka malaratan ka bakna kabbhi. Maka nyaktenah ma cokopa bitonganna ban nganghungngaghi Allah atas sakabbhiyâanna petodhu da’ ka bakna kabbhi, sopajâ bakna kabbhi a sokkor.
E dalem ketab Tafsir Al-Bahrul Muhith, Tafsir Fathur Rahman fi Tafsiril Qur’an, Al-Kasyfu wal Bayan fi Tafsiril Qur’an, tor Tafsir al-Qur’an al-‘Azhim, esebbhuttaghi takbir se emaksod neng ayat se kasebbhut engghi kadinto takbir se esonnattaghi neng Idul Fitri. Sakadinto pamangghina para ulama.
Jamaah Salat Ied se emoljaaghi Allah Swt.,
Maos lafadz takbir kalaban soara nyareng kodhu elambani kalaban rassa ngabulâ dâ’ ajunannepon Allah Swt se Maha Aghung. Abdhina sasarengan namung keni’ sobung pan ponapanah. Manussa se saterrossa asalemut ka tak-samporna’an tor ka-khilafan.
Kalaban aromasa jhâ’ abâ’ dhibi’ kadinto sobung pan-ponapanah se saenggha kodhu ngabulâ dâ’ ajunannepon Allah Swt., tanto rassa sokkor tor jhughân katakwaan bhâkal terros tombu e aba’ bhâdhân kaulâ sadhâjâ.
Allahu Akbar, Allah ongghu-ongghu tong-settonga minangka Dzat se Maha Aghung. Abdhina sasarengan namung se keni’. Mila dari kadinto, ngabulâ dâ’ ajunannepon Allah Swt. aropa’aghi kawajibhan. Ngabulâ dalem arte ngalakoni sadhâjâ parentana tor ajhâui pan-saponapan se tak ekengingaghi.
Jamaah Salat Ied se pada-pada ghumbira kalaban datenga Idul Fitri
Takbir kainto jhughân aropa’aghi bhukte pangaghungan dari abdhina sasarengan kalabân hidayah se ettotta’ sareng ajunannepon Allah Swt. Mila dari kadinto, rassa sokkor kodhu terros etamen. Amargha tojjhuwân dari tellasan kadinto sobung laen salaenna nyukkore dâ’ sadhâjâ kanikmadhân se epareng Allah dâ’ bhâdhân kaulâ sasarengan. Khusus epon nikmat se aropa hidayah iman tor Islam, jhughân nikmat ghik bisa ta’at dâ’ se eparentaaghi.
Hakekat Idul Fitri enggi kadinto bhâdhân kaulâ sasarengan epabâli dâ’ ka kasoccean. Fitri kadinto arte epon kasoccean, asal moasal sadhâjâ kadhaddhiân, engghi kadinto agama Islam. Saengghâ, tellasan kadinto ghaduân maksod abdhina sasareng abâli dâ’ ka kasoccean, abâli dhâddhi oreng se bherse dari parkara kotor.
مَا مِنْ مَوْلُوْدٍ إِلَّا يُوْلَدُ عَلَى الْفِطْرَةِ وَفِي رِوَايَةٍ عَلَى الْمِلَّةِ فَأَبَوَاهُ يُهَوِّدَانِهِ أَوْ يُنَصِّرَانِهِ أَوْ يُمَجِّسَانِهِ
Arteepon (korang langkong), “ sobung sama sakale dari sabbhan-sabbhan manussa se e-lahirraghi anging e-lahirraghi kalaban socce (fitrah) dalem riwayat laen dalem andi’ aghama (Islam). Maka oreng sepponah se ma dhâddhi se lahir kasebbhut da’ ka Yahudi, Nasrani, otabâ Majusi.”
Jamaah kaum muslimin, muslimat se emoljaaghi Allah Swt.,
Sabbhân malem e bulan Ramadhan, bannyakna sajuta oreng se etolong sareng Allah Swt dari apoy naraka. E Akher Ramadhan, bâdâ poloan juta oreng pole se etolong dari apoy naraka. Pamongkassa engghi kadinto e are mangken, tellasan Idul Fitri. Pasera bisaos se etolong dari apoy naraka neng are mangken, oreng se kasebbhut ampon abali socce. Namung se tak etolong, ancaman tor jhughân musibah se bhâbhâja dâ’ aba’na ampon adante’.
Hal kadinto jhughân kodhuna abdhina sasarengan sokkore. Malar mandhâr abdhina sasarengan tamasoah dari bagian oreng se jutaan kadinto. Oreng-oreng se etolong dari apoy narakana Allah Swt.
Jamaah se emoljaaghi Allah Swt
Rassa sokkor tak coma sakadhâr maos hamdalah otaba alhamdulillah. Lebbi dâri kadinto rassa sokkor jhugân ebhukteaghi kalabân tengka lako se lebbi bhâghus dari lun-sabelunnah. Kantos dâ’ bulan poasa se bhâkal dateng. Saterrossa saka’dinto, sajân abit sajân atambâ bhâghus.
Abdhina sasarengan ampon alaksanaaghi salat tarawih tor jughân witir. Hal kadinto parlo eterrossaghi e are-are laen salastarena shalat Isya. Sobung tarawih, namung witir tetap esonnattaghi.
Sadhâjâ amal ibâdâ kabhâghusân se elakoni neng bulan poasa, kadinto parlo eterrossaghi e bulân-bulân se laen. Misal epon, maos Al-Qur’an sampe khatam pan-saponapan kale dalem sabulân poasa. Manfaat epon tak sakadhâr ngaolle syafaat, namung jhughân bisa ajhâr tor nambâi pangataoan tor elmu-elmu se bâdâ e sabbhân-sabbhân ayat Al-Quran ka’dinto. Saengghâ abdhina sasarengan bisa dhâddhi kabule se sajan abit sajan bhâghus.
Akadhiya se ampon kasebbhut dalam Ketab Ihya Ulumuddin, rassa sokkor ka’dinto aghuna’aghi kanikmatan sesuai kalabân tojjhuwan penciptaannah. Lesan eghuna’aghi maos hamdalah. Ate etojjhuwâghi dâ’ parkara kabhâghusân. Sadhâjâ angghauta bhâdhân eghuna’aghi ka hal-hal se bisa nambâi kabhâghusân. Kadinto rassa sokkor se saongghuna.
Jamaah Shalat Ied se emoljaaghi Allah Swt
Poasa jhughân ngajhâri abdhina sasarengan sopajâ bisa èmba tor niser ka tan-taretan faker misken. Hal kadinto ebhukteaghi kalabân zakat petra se kodhu epakaloar. Arebbhân epon kaperdulian, kaniserran tor kaèmbâ’ân abdhina sasarengan dâ’ ka faker misken kadi’nto terros erabât kantos e are-are se bhâkal dateng.
Sakadinto para jamaah hakekat atellasan. Kasempatan Idul Fitri kodhu dhâddhiaghi kasempatan materros kalakoan-kalakoan bhâghus se elakoni selama bulan poasa kantos are-are se laen.
Maske urusan sareng ajunannepon Allah Swt ampon lastare, belum tanto urusan dâ’ manussa jhughân lastare. Saenggha urusan kamanussa’an kodhu teros ejâgâ tor erabât. Mila dari kadinto abdhina sasarengan kodhu ikhlas nyapora sadhâjâ kasala’an pasera bisaos. Tamasok karabhat, kanca, tatanggha tor sadhâjâna.
Para jamaah ngireng areng-sareng terrossaghi perjuangan e dalem kabhâghusan se elakoni selama bulan poasa. Karana kadinto aropa’aghi wujud rassa sokkor abdhina sasarengan mongghu ajunannepon Allah Swt atas sadhâjâ kanikmatan tor petodhu se etotta’. Saenggha bisa terros koat tor kellar ajalani kawâjibhan tor ajaui sadhâjâ larangannepon.
أَعُوْذُ بِاللهِ مِنَ الشَّيْطَانِ الرَّجِيْمِ. بِسْمِ اللهِ الرَّحْمٰنِ الرَّحِيْمِ [وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ ۖ وَلَئِنْ كَفَرْتُمْ إِنَّ عَذَابِي لَشَدِيْدٌ].
بَارَكَ اللهُ لِىْ وَلَكُمْ فِى القُرْآنِ العَظِيْمِ، وَنَفَعَنِىْ وَإِيَّاكُمْ بِمَا فِيْهِ مِنَ الأٰيَاتِ وَالذِّكْرِ الْحَكِيْم، وَتَقَبَّلَ مِنِّى وَمِنْكُمْ تِلاَوَتَهُ إِنَّهُ هُوَ الْغَفُوْرُ الرَّحِيْم.
اَللهُ أَكْبَرُ (٣ كالى) وَلِلّٰهِ الْحَمْدُط
#Khutbah II
اَللهُ أَكْبَرُ (٧ كالى) كَبِيْرًا وَالْحَمْدُ لِلّٰهِ كَثِيْرًا وَسُبْحَانَ اللهِ بُكْرَةً وَأَصِيْلاً
الْحَمْدُ لِلّٰهِ الَّذِيْ أَعَادَ الْاَعْيَادَ وَكَرَّرَ. وَأَشْهَدُ أَنْ لَا اِلٰهَ اِلَّا اللهُ وَحْدَهُ لَا شَرِيْكَ لَهُ الْمَلِكُ الْأَكْبَرُ. وَأَشْهَدُ أَنَّ سَيّدَنَا مُحَمَّدًا عَبْدُهُ وَرَسُوْلُهُ خَيْرُ الْخَلَائِقِ وَالْبَشَرِ. أَللّٰهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ الشَّافِعِ فِي الْمَحْشَرِ, وَعَلَى اٰلِهِ وَأَصْحَابِهِ الْأَطْهَرِ. اَللهُ أَكْبَرُ. اَمَّا بَعْدُ:
فَيَاأَيُّهَا النَّاسُ أُوْصِيْكُمْ وَنَفْسِيْ بِتَقْوَى اللهِ فَقَدْ فَازَ الْمُتَّقُوْنَ. وَاتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْن. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ، وَثَـنّٰى بِمَلآئِكَتِهِ، فَقَالَ تَعَالَى وَلَمْ يَزَلْ قَائِلاً عَلِيْمًا (اِنَّ اللهَ وَ مَلَائِكَتَهُ يُصَلُّوْنَ عَلَى النَّبِيِّ يٰأَيُّهَا الَّذِيْنَ أٰمَنُوْا صَلُّوْا عَلَيْهِ وَ سَلِّمُوْا تَسْلِيْمًا). اَللّٰهُمَّ صَلِّ وَسَلِّمْ عَلٰى سَيِّدِنَا مُحَمَّدٍ حَبِيْبِكَ صَاحِبِ الْوَجْهِ الْاَنْوَرِ وَ عَلٰى أٰلِهِ وَارْضَ اَللّٰهُمَّ عَنِ الْخُلَفَاءِ الرَّاشِدِيْنَ. وَعَنْ اَصْحَابِ نَبِيِّكَ اَجْمَعِيْنَ. وَالتَّابِعِبْنَ وَتَابِعِ التَّابِعِيْنَ وَ تَابِعِهِمْ اِلٰى يَوْمِ الدِّيْنِ.
اَللّٰهُمَّ أَعِزَّ الْاِسْلَامَ وَ الْمُسْلِمِيْنَ وَأَصْلِحْ جَمِيْعَ وُلَاةَ الْمُسْلِمِيْنَ وَأَعْلِ كَلِمَتَكَ اِلَى يَوْمِ الدِّيْنِ. اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ. اَللّٰهُمَّ ادْفَعْ عَنَّا الْغَلَاءَ وَالْوَبَاءَ وَالطَّاعُوْنَ وَالْاَمْرَاضَ وَالْفِتَنَ مَا لَا يَدْفَعُهُ غَيْرُكَ عَنْ بَلَدِنَا هٰذَا اِنْدُوْنِيْسِيَّا خَاصَّةً وَعَنْ سَائِرِ بِلَادِ الْمُسْلِمِيْنَ عَامَّةً يَا رَبَّ الْعَالَمِيْنَ. رَبَّنَا اٰتِنَا فِي الدُّنْيَا حَسَنَةً وَ فِي الْاٰخِرَةِ حَسَنَةً وَ قِنَا عَذَابَ النَّارِ.
اَللهُ أَكْبَرُ اَللهُ أَكْبَرُ اَللهُ أَكْبَرُ. لَا اِلٰهَ اِلَّا اللهُ وَاللهُ أَكْبَرُ. اَللهُ أَكْبَرُ وَ لِلّٰهِ الْحَمْدُ.
- Diterjemahkan dari website NU Online
- Penyusun: Ustadz Syakir NF, (alumnus Pondok Pesantren Buntet)
- Judul Asli: Khutbah Idul Fitri: Menjadi Hamba yang Bersyukur
- Alih Bahasa: Tim LTN PCNU Sumenep
- File khutbah di atas dalam bentuk PDF ukuran A4, klik tombol di bawah ini.
The increase in left ventricular mass as a result of training is called athlete s heart lasix rezeptfrei kaufen It is appropriate to screen for blood dyscrasias in this age group