Khutbah Idul Adha Bahasa Madura: Makna ‘Ibada Kurban

#Khutbah I

Ma’asyiral Muslimin wal Muslimat rahimakumullah,

Ungkapan rassa syokkor ampon sapatotta epajharnak kalaban mator Alhamdulillah, amargha kantos saat samangken badhan kaula sadhaja tettep bisa arasa’agin paparengepon guste Allah. Langkong-langkong se aropa kasempatan tapangghina badhan kaula sadhaja kalaban tellasan Idul Adha taon 1443 H ka’dinto. Samoga sadhajana kadinto dadiya panyamangat ka’angguy ningkattagin tor masēkkēn iman tor rassa tako’ badhan kaula sadhaja da’ ka ajunanepon ghuste Allah SWT.

Ma’asyiral Muslimin wal Muslimat rahimakumullah

Idul adha aropa’agin salah setong are tellasan dalem Islam se aganduk kadaddhiyan se sanget kalonta  e bhumi ka’dintoh. Se ka’dimma kadaddhiyan ka’dinto da’ bingkeng e abadikan dalem setong rangkaian ‘ibada.  Duwa’ ‘ibada se ahubungan kalaban idul adha enggi ka’dintoh, ‘ibada kurban sareng ‘ibada ajjhi (haji). Duwa’ ‘ibada ka’dinto aganduk kasēkkēnnan tor kaimanan se daddhi bhukte pangorbanan se edasare kalaban rasa ikhlas tor kasabaran se onggu-onggu.

Hadiriin jama’ah Idul Adha rahimakumullah

‘Ibada kurban enggi ka’dintoh se amola nalekana nabi Ibrahim, narema pakon ka’angghuy ngorbannagin potrana, Ismail, kalaban cara esedhanin.  Kalaban kaimanan se mantep nabi Ibrahim alaksana’agin pakon se etarema lebat sopenna.  Nangeng, sabelunna nabi Ibrahim nyedhanin (nyambelih), malaikat abakta settong embik dari soargha menangka ghante ka’angguy esambellih. Kadaddiyan ka’dinto bisa epangghi e al-Qur’an dalem sorat as-Shoffat ayat 102:

Se arte epon: “Nalekana nak-kanak jareya dapa’ (ka omor se esangghubhi) a usaha abhareng Ibrahim. Ibrahim ngocak, Ee, tang anak, saongghuna sengkok nangngale dalem mimpe jha’ saongghuna sengkok nyambelih bhakna. Baramma reya metorot bakna?’ Anak ajawab, Ee, tang eppa’, ngireng lakone ponapa se epakonnaghi ka sampeyan. Insyaa Allah sampean manggi’in kaula tamasok da’ ka oreng se sabbhar’.”

Dari sejarah ka’dintoh ummat Islam epakon nyambellih keban kurban se saongghuna aropa’agin ‘ibada ka’angghuy maemot badhan kaula sadhaja da’ ka tojjhuanna odi’, enggi ka’dinto a’ibada da’ ka ghuste Allah. Edabuwagin dalem al-Qur’an surat Adz-Dzaariyaat ayat 56:

“Ban tak adaddhiyagin sengkok da’ ka Jin ban Manossa angeng kaangguy nyembha sengko”

Hikmah ujian dari Allah kaangguy nyedhanin potrana enggi ka’dinto rassa ikhlas dalem ajhalannagi pakonepon Allah SWT. Rassa ikhlas menangka salah settong kunci kaangghuy ngaolle ridha’epon Allah SWT, kalaban ajhalannagi ponapa se daddhi pakonepon tor ajhaui sadhaja laranganepon. Manabi badhan kaula sadhaja alaksanaagi ‘ibada tak kalaban e dhasare ikhlas maka bhakal parcoma, tak aberik peguna.

Arteepon: Allah tak bakal narema amal, angeng amal (‘ibada) se edhasare ikhlas tor karana nyopre ridha’epon Allah SWT. (HR. Nasa’i)

Ma’asyiral Muslimin wal Muslimat rahimakumullah

Dalam alaksanaagin ‘ibada kurban badhan kaula sadhaja parlo edasaren rassa ikhlas tor siap ngorbannagi sabagian arta badhan kaula sadhaja kaangguy orang laen se hakekattepon parlo badhan kaula sadhaja ngaghali jha’ sadhajana ka’dinto kaaghunganna Allah swt. Asabab ‘ibada kurban kaangghuy Allah SWT, maka ampon samastena badhan kaula sadhaja apareng kebhan kurban se paleng bagus se ekaagungin badhan kaula sadhaja. Hal ka’dinto bhakal daddhi bagian dari bhukte kata’atan badhan kaula sadhaja.

Kurban dalam arte bahasa kakdinto andik makna semma’. Dari hal ka’dinto, kurban bisa emaknai masemma’ aba’ da’ Allah kalaban ajhalannagin sadhaja pakon tor ajhaui sadhaja laranganepon kalaban palantara keban obuwan se ekurbannagi otaba se esambellih. Akherrepon, Mogha-mogha badhan kaule sareng ajunan sadhaja e padaddhi kabula se semangat masemma’ da’ ka Allah SWT tor abhanto oreng laen kalaban ibada kurban kakdinto. Aaminn.

#Khutbah II

• • Diterjemahkan dari website NU Online
  • Penyusun: Muhammad Faizin (Wakil Sekretaris PCNU Kabupaten Pringsewu)
  • Judul Asli: Khutbah Idul Adha: Mengurai Makna Ibadah Kurban dan Haji
  • Alih Bahasa: Tim LTMNU PCNU Sumenep.

• File khutbah di atas dalam bentuk PDF ukuran A4, klik tombol di bawah ini.

DOWNLOAD