Naskah khutbah Idul Fitri 1446 H dengan bahasa Madura berikut ini mengajak kepada para jamaah shalat hari raya untuk terus konsisten berbuat baik agar menjadi manusia yang sesungguhnya. Manusia yang memanusiakan manusia
#Khutbah I
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، وَلِلّٰهِ الْحَمْدُ. اللّٰهُ أَكْبَرُ كَبِيْرًا وَالْحَمْدُ لِلّٰهِ كَثِيْرًا وَسُبْحَانَ اللّٰهِ بُكْرَةً وَأَصِيْلًا. لَآ إِلٰهَ إِلَّا اللّٰهُ وَحْدَهُ، صَدَقَ وَعْدَهُ، وَنَصَرَ عَبْدَهُ، وَهَزَمَ الْأَحْزَابَ وَحْدَهُ. لَآ إِلٰهَ إِلَّا اللّٰهُ وَلَا نَعْبُدُ إِلَّآ إِيَّاهُ مُخْلِصِيْنَ لَهُ الدِّيْنَ وَلَوْ كَرِهَ الْكَافِرُوْنَ
اَلْحَمْدُ لِلّٰهِ الَّذِيْ جَعَلَ هٰذَا الْيَوْمَ عِيْدًا وَسَعَادَةً لِلْمُسْلِمِيْنَ، وَخَتَمَ بِهِ شَهْرُ رَمَضَانَ الْمُبَارَكَ الَّذِيْ كُتِبَ فِيْهِ الصِّيَامُ لِلْمُؤْمِنِيْنَ، وَأُنْزِلَ فِيْهِ الْقُرْءَانُ هُدًى لِلْمُتَّقِيْنَ. أَشْهَدُ أَنْ لَآ إِلٰهَ اِلَّا اللّٰهُ وَحْدَهُ لَاشَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ لَا نَبِيَّ بَعْدَهُ. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى أٰلِهِ وَأَصْحَابِهِ وَالَّذِيْنَ جَاهَدُوْا فِى سَبِيْلِهِ حَقَّ جِهَادِهِ إِلَى يَوْمِ الْقِيَامَةِ
أَمَّابَعْدُ: فَيَا أَيُّهَا الْمُسْلِمُوْنَ اتَّقُوْا اللّٰهَ حَقَّ تُقَاتِهِ، وَلَاتَمُوْتُنَّ إِلَّا وَأَنْتُم مُسْلِمُوْنَ
قاَلَ اللّٰهُ تَعَالَى فِيْ الْقُرْءَانِ الْكَرِيْمِ أَعُوْذُ بِاللّٰهِ مِنَ الشَّيْطَانِ الرَّجِيْمِ ﴿وَلِتُكْمِلُوْا الْعِدَّةَ وَلِتُكَبِّرُ اللّٰهَ عَلَى مَا هَدَا كُمْ وَلَعَلَّكُمْ تَشْكُرُوْنَ﴾ صَدَقَ اللّٰهُ الْعَظِيْمُ
اللّٰهُ أَكْبَرُ، اللّٰهُ أَكْبَرُ، لَآ إلٰهَ إِلَّا اللّٰهُ وَ اللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ
Ma’asyiral muslimin wal-muslimat, para jamaah shalat idul fitri rahimakumulllah
È arè samangkèn ka’dinto, cuaca terasa sanget cerah. Secerah atè bhâdhân kaulâ sadhâjâ. Sè padâ alaksana’agi shalat Idul Fitri kalabân khusyu’ tor ikhlas. Ngarep ridâ’èpon Allah SWT, sopajâ dhâddhi kabulâ sè muttaqin. Ènggi ka’dinto kabulâ sè taqwa.
Ngèrèng sami-sami bhâdhân kaulâ sadhâjâ adu’a dâ’ ajunanèpon Allah, samoghâ poasa, tarawih, tadarus, tahajud, shadaqah, tor shalat bhâdhân kaulâ sadhâjâ, è arè lagghu ka’dinto è tarèma’a sareng ajunanèpon Allah SWT. Amiin 3x, Ya Robbal Alamin.
Kaum Muslimin se sami mulja
Ngirèngi alunan takbir, kaum muslimin tor muslimat sami mijhil sadhâjâ dâri compo’èpon bâng-sèbâng, sobung laèn kaangghui alaksana’agi shalat Idul Fitri asareng keluarga tor karabhâttèpon, kalabân perasaan ghumbhirâ. Salèng nyapa tor asalaman. Ka’dinto sadhâjâ aropa’aghi tandhâ rassa kebersamaan kaum muslimin è dalem membangun kapentingan dunnya sareng akhèraddhâ. Hal ka’dinto sesuai kalabân dhâbuepon Allah Swt, dâlem al-Qur’an Sorat al-Hujurat ayat sapolo (10):
إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللّٰـهَ لَعَلَّكُمْ تُرْحَمُونَ
Sè artèèpon “saongghuna orèng-orèng se iman panèka satarètan. Maka salèng mateppa’a antara kaduwâna tor tako’a dâ’ ka Allah, sopajâ panjenengan sadhâjâ ngaollè rahmat”
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ
Hadirin sè sami-sami èmoljâ’aghi Allah
Bhâdhân kaulâ sadhâjâ bhuru lastarè alaksana’agi kawâjibhân è bulân Ramadhan, alate rohani sareng jasmani bhâdhân kaulâ sadhâjâ, kalabân apoasa sabulân bhentèng, aningkattaghi amal shaleh, tor ngurangi kalakoan sè èbhendhu sareng Allah SWT. saèngghâ bhâdhân kaulâ sadhâjâ mampu nyipta’agi sè lebbi sederhana, tapè tettep dâlem suasana berkecukupan tor suasana harmonis.
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ
È bulan Ramadhan sè ampon kalèbât, kualitas kemanusiaan orèng Islam èuji sareng Allah Swt, kaangghui èdhâddhiyâghi okoran, sampè’ ka’dimma kualitas kataqwâânèpon bhâdhân kaulâ sadhâjâ è ajunanèpon Allah Swt. ponapa kalabân poasa Ramadhan, bhâdhân kaulâ sadhâjâ mampu nahan ambisi sè ta’ bhâghus? Ponapa kalabân poasa Ramadhan, bhâdhân kaulâ sadhâjâ mampu mengendalikan angkara murka se marogi dâ’ bhângsa? Ponapa kalabân poasa Ramadhan, bhâdhân kaulâ sadhâjâ mampu maèlang rassa bâjhi’ tor dendam è antara bhâdhân kaulâ sadhâjâ? Ponapa kalabân poasa Ramadhan, bhâdhân kaulâ sadhâjâ mampu majhâu abâ’ dâri salèng hasut? otabâ, justeru malah sabhâligghâ. Saèngghâ ‘ibada poasaèpon ta’ abekas sama sakalè è kaodi’ân rè-saarèna.
Akadhiyâ sè èdhbuwaghi sareng Rasulullah SAW dâlem sèttong haditsèpon:
الصِّيَامُ جُنَّةٌ فَإِذَا كَانَ يَوْمُ صَوْمِ أَحَدِكُمْ فَلَا يَرْفُثْ وَلَا يَصْخَبْ فَإِنْ شَاتَمَهُ أَحَدٌ أَوْ قَاتَلَهُ فَلْيَقُلْ إِنِّي امْرُؤٌ صَائِمٌ
Sè artèèpon “Poasa ka’dinto aropa’agi sebuah perisai, maka ènalèkana sala sèttong orèng è antara bhâdhân kaulâ sadhâjâ apoasa, maka ta’ kènging acaca kotor tor nyakè’è atè. Maka manabi bâdâ orèng lanyala otabâ merrangi, maka nguca’a saongghuna sèngko’ rèa apoasa.”
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ
Ma’asyiral Muslimin rahimakumullah
È jhâmân samangkèn, permasalahan odi’ umat manussa tambâ are tambâ rowet. È antara masalah-masalah se rajâ, sè èadhebbhi bhângsa Indonesia, ènggi ka’dinto kamiskènan tor kamalaradhân; malaraddhâ kalakoan tor bânnya’na pangangguran; Ambisi jabatan tor pangkat, sè caraèpon sampè’ loppa dâ’ atoran tor tèngka (sè halal dhâddhi haram, sè haram dhâddhi halal), musibâh dâri Allah ondur dateng, tor laènnèpon.
Ka’dinto sadhajâ, erat hubunganna kalabân hukum sebab akibat, otabâ èsababbhagi sareng kalakoan manussa sè dhalim ka abâ’na dhibi’ tor lingkungannèpon, lebbi-lebbi dâ’ ka ajunanèpon Allah Swt. Kalabân ta’ ghellem asokkor atas sadhâja nikmat Allah Swt sè ampon èparèngngaghi. Hal kasebbhut ampon ètegghessaghi è dâlem al-Qur’an sorat Ibrahim ayat pètto’ (7):
وَاِذْ تَاَذَّنَ رَبُّكُمْ لَىِٕنْ شَكَرْتُمْ لَاَزِيْدَنَّكُمْ وَلَىِٕنْ كَفَرْتُمْ اِنَّ عَذَابِيْ لَشَدِيْدٌ
Sè artèèpon “Bhâ’ ènga’a bâ’na kabbhi, ènalekana Pangiranna bâ’na ama’lummaghi; “saongghuna lamun bâ’na kabbhi asokkor atas nikmaddhâ sèngko’, maka pastè sèngko’ bhâkal nambâi (nikmat ghellâ’), tapè lamun bâ’na kabbhi mongker (ka nikmaddha-sèngko’), maka saongguna adzabbhâ sèngko’ sanget peddhi” Naudzubillahi min dzalik
Ma’asyiral Muslimin rahimakumullah
È arè tellasan Idul Fitri ka’dinto, ngirèng bhâdhân kaulâ sadhâjâ salèng aparèng tor salèng nyapora. akadiya sèfattèpon Rasulullah Saw. Beliau senneng nyapora kasala’anna orèng laèn sabelumma orèng ghellâ’ minta sapora.
Mila dâri ka’dinto, ngirèng bhâdhân kaulâ sadhâjâ nundu’ è ajunanèpon Allah Swt. kaangghui adu’a areng-sareng. Samoghâ’â du’ana bhâdhân kaulâ sadhâjâ è kabbhulâ sareng Allah Swt.
آمين يَارَبَّ الْعَالَمِيْنَ: اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ، وَالْحَمْدُ لِلّٰهِ رَبِّ الْعَالَمِيْنَ
Ya Allah, bhâdhân kaulâ sadhâjâ lemah tor apes, tanpa kakoatan ajunan. Bhâdhân kaulâ sadhâjâ bhudu, tanpa ‘ilmuna ajunan. Bhâdhân kaulâ sadhâjâ kasasar, tanpa hidayah tor pètodhuèpon ajunan.
Ya Allah, dhâddhiyâghi bhâdhân kaulâ sadhâjâ, kabula sè sangghup memahami perasaan tor kapentingan orèng laèn. Tor jhughân mampu majhâu dâri sefat-sefat sarakah, sè bisa adhâddhiyâghi bhângsa sareng naghârâ resah.
Ya Allah, Pangeran se Agung. Bhâdhân kaulâ sadhâjâ sadar, saongghuna ajunan ta’ bhâkal ngobâ nasib sèttong kaom, saèngghâ kaomma dhibi’ sangghup ngobâ dâ’ nasibbhâ dhibi’, parèngi bhâdhân kaulâ sadhâjâ kakoatan, lahir batin, kaangghui aningkattagi rasa iman.
Ya Allah, ajunan sanget cinta kedamaian. dhâddhiyâghi naghârâ Indonesia – naghârâ se lebbi kokoh dâlem kesatuan. Lebbi makmur dâlem kedaulatan. Jhâuaghi dâri marabahaya tor malapetaka. Jhâuaghi dâri musibâ tor bencana. Salamettaghi dâri perpecahan tor permusuhan.
اَللّٰهُمَّ ادْفَعْ عَنَّاالْغَلَآءَ وَالْوَبَآءَ وَالفَخْشَآءَ وَالْمُنْكَرَ وَالْبَغْيَ وَالسُّيُوْفَ وَالْمُخْتَلِفَةَ وَالشَّدَآئِدَ وَالْمِحَنَ، مَاظَهَرَ مِنْهَا وَمَابَطَنَ مِنْ بَلَدِنَا هٰذَاخَآصَّةً، وَمِنْ بُلْدَانِ مُسْلِمِيْنَ عَآمَّةً، إِنَّكَ عَلَى كُلِّ شَيْئٍ قَدِيْرٌ. رَبَّنَا اغْفِرْلَنَا وَلِإِخْوَانِنَا الَّذِيْنَ سَبَقُوْنَ بِالْإِيْمَانِ وَلَاتَجْعَلْ فِي قُلُوْبِنَا غِلًّا لِلَّذِيْنَ أٰمَنُوْا رَبَّنَا إِنَّكَ رَؤُوْفٌ رَحِيْمٌ. وَالْحَمْدُ لِلَّهِ رَبِّ الْعَالَمِيْنَ.
جَعَلَنَا اللّٰهُ وَإِيَّاكُمْ مِنَ اْلعَآئِدِيْنَ وَاْلفَآئِزِيْنَ وَاْلمَقْبُوْلِيْنَ وَأَدْخَلَنَا وَإِيَّاكُمْ فِى زُمْرَةِ عِبَادِهِ الصَّالِحِيْنَ وَأَقُوْلُ قَوْلِيْ هٰذَا، وَأَسْتَغْفِرُ لِيْ وَلَكُمْ وَلِوَالِدَيَّ وَلِوَالِدِيْكُمْ وَلِسَآئِرِ اْلمُسْلِمِيْنَ وَاْلمُسْلِمَاتِ، فَاسْتَغْفِرُوْهُ إِنَّهُ هُوَاْلغَفُوْرُ الرَّحِيْمُ.
اللّٰهُ أَكْبَرُ، اللّٰهُ أَكْبَرُ، لَآ إلٰهَ إِلَّا اللّٰهُ وَ اللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ
#Khutbah II
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ. لَآ إلٰهَ إِلَّا اللّٰهُ وَ اللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ
الحَمْدُ لِلّٰهِ وَحْدَهُ، صَدَقَ وَعْدَهُ، وَنَصَرَ عَبْدَهُ، وَأَعَزَّ جُنْدَهُ وَحَزَمَ الأَحْزَابَ وَحْدَهُ. أَشْهَدُ أَنْ لَآ إِلٰهَ اِلَّا اللّٰهُ وَحْدَهُ لاَ شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لَانبَِيَّ بَعْدَهُ. اللّٰهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى أٰلِهِ وَأَصْحَابِهِ أَجْمَعِيْنَ. اَمَّا بَعْدُ: فَيَا عِبَادَ اللّٰهِ، اُوْصِيْكُمْ وَنَفْسِيْ بِتَقْوَى اللّٰهِ فَقَدْ فَازَ الْمُتَّقُوْنَ. إِنَّ اللّٰهَ وَمَلَآئِكَتَهُ يُصَلُّوْنَ عَلَى النَّبِيِّ، يَآ أَيُّهَا الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا. اللّٰهُمَّ صَلِّ عَلىَ سَيِّدِنَا مُحَمَّدٍ وَعَلَى أٰلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى أٰلِ سَيِّدِنَا إِبْرَاهِيْمَ، وَبَارِكْ عَلَى سَيِّدِنَا مُحَمَّدٍ وَعَلَى أٰلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى أٰلِ سَيِّدِنَا إِبْرَاهِيْمَ، فِي اْلعَالَمِيْنَ إِنَّكَ حَمِيْدٌ مَجِيْدٌ
اللّٰهُمَّ اغْفِرْ لَنَا ذُنُوْبَنَا وَلِوَالِدِيْنَ وَارْحَمْهُمْ كَمَارَبَّوْنَا صِغَارًا، وَلِجَمِيْعِ اْلمُسْلِمِيْنَ وَالْمُسْلِمَاتِ وَاْلمُؤْمِنِيْنَ وَالْمُؤْمِنَاتِ اْلأَحْيَآءِ مِنْهُمْ وَاْلأَمْوَاتِ بِرَحْمَتِكَ يَا أَرْحَمَ الرَّاحِمِيْنَ. اللّٰهُمَّ أَرِنَا الْحَقَّ حَقاًّ وَارْزُقْنَا اتِّبَاعَهُ وَأَرِنَا اْلبَاطِلَ بَاطِلاً وَارْزُقْنَا اجْتِنَابَهُ. اللّٰهُمَّ افْتَحْ عَلَيْنَا أَبْوَابَ الخَيْرِ، وَأَبْوَابَ البَرَكَةِ، وَأَبْوَابَ النِّعْمَةِ، وَأَبْوَابَ السَّلاَمَةِ، وَأَبْوَابَ الصِّحَّةِ، وَأَبْوَابَ الجَنَّةِ. رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ. رَبَّناَ أٰتِنَا فِي الدُّنْيَا حَسَنَةً وَفِيْ اْلأٰخِرَةِ حَسَنَةً وَقِنَا عَذاَبَ النَّارِ، وَصَلَّى اللّٰهُ عَلَى سَيِّدِنَا مُحَمَّدٍ وَعَلَى أٰلِهِ وَصَحْبِهِ أَجْمَعِيْنَ، وَالحَمْدُ لِلّٰهِ رَبِّ الْعَالَمِيْنَ
اللّٰهُ أَكْبَرُ، اللّٰهُ أَكْبَرُ، لَآ إلهَ إِلَّا اللّٰهُ وَ اللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ
- Penyusun: USTADZ TAUFIKURRAHMAN, M.Pd.I (Wakil Ketua MWCNU Saronggi)
- Diterbitkan atas kerjasama: MWCNU Saronggi, LTMNU dan LTNNU PCNU Sumenep.
- File khutbah di atas dalam bentuk PDF ukuran A4, klik tombol di bawah ini.
