Naskah khutbah Idul Adha 1446 H dengan bahasa Madura berikut ini mengajak kepada para jamaah shalat hari raya untuk bisa meneladani Nabi Ibrahim dan Nabi Ismail. Diterjemahkan dari NU Banyumas
#Khutbah I
اللّٰهُ أَكْبَرُ اللّٰهُ أَكْبَرُ اللّٰهُ أَكْبَرُ. اللّٰهُ أَكْبَرُ اللّٰهُ أَكْبَرُ اللّٰهُ أَكْبَرُ. اللّٰهُ أَكْبَرُ اللّٰهُ أَكْبَرُ اللّٰهُ أَكْبَرُ. اللّٰهُ أَكْبَرُ، كَبِيْرًا وَالْحَمْدُ لِلّٰهِ كَثِيْرًا وَسُبْحَانَ اللّٰهِ بُكْرَةً وَأَصِيْلاً، لَآ إِلٰهَ إِلاَّ اللّٰهُ وَحْدَهُ، صَدَقَ وَعْدَهُ وَنَصَرَ عَبْدَهُ وَأَعَزَّ جُنْدَهُ وَهَزَمَ الْأَحْزَابَ وَحْدَهُ، لَآ إِلٰهَ إِلاَّ اللّٰهُ وَاللّٰهُ أَكْبَرُ، اللّٰهُ أَكْبَرُ وَ لِلّٰهِ اْلحَمْدُ.
اَلْحَمْدُ لِلّٰهِ أَحْمَدُهُ سُبْحَانَهُ وَتَعَالَىٰ عَلَىٰ نِعَمِهِ الْغِزَار، أَشْكُرُهُ عَلَى قِسَمِهِ الْمِدْرَار، وَأَشْهَدُ أَنْ لَا إِلٰهَ إِلَّا اللّٰهُ وَحْدَهُ لَا شَرِيْكَ لَهُ وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ، اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدِنِ الْمُخْتَار، وَآلِهِ الْأَطْهَار وَأَصْحَابِهِ الْأَخْيَار.
أَمَّا بَعْدُ: فَيَا أَيُّهَا النَّاسُ اتَّقُوْا اللّٰهَ رَبَّ الْعَالَمِيْنَ، فَالتَّقْوَىٰ وَصِيَّةُ اللّٰهِ الْأَوَّلِيْنَ وَالْآخِرِيْنَ وَشِعَارُ الْمُؤْمِنِيْنَ وَدِثَارُ الْمُتَّقِيْنَ. قَالَ اللّٰهُ تَعَالى فِيْ كِتَابِهِ الكَرِيْمِ: ﴿وَإِذِ ابْتَلٰٓى إِبْرٰهٖمَ رَبُّهٗ بِكَلِمٰتٍ فَأَتَمَّهُنَّ ۗ قَالَ إِنِّيْ جَاعِلُكَ لِلنَّاسِ إِمَامًا ۗ قَالَ وَمِنْ ذُرِّيَّتِيْ ۗ قَالَ لَا يَنَالُ عَهْدِى الظّٰلِمِيْنَ﴾. صَدَقَ اللّٰهُ العَظِيمْ
Maasyiral Muslimin rahimakumullah,
Alhamdulillahi rabbil ‘alamin, ngèrèng sadhâjâna sami-samia ngunjhugghâghi rassa sokkor dâ’ Ghustè Allah Swt atas sadhâjâ nikmat tor paparèngngèpon saèngghâna bhâdhân kaulâ sadhâjâ bisa akompol polè è arè tellasan Idul Adha sè possa’ kalabân kabherkadhân kakdinto. Shalawat sareng salam samoghâ’â tetteppâ ka’ator dâ’ Ghustè Nabi Muhammad Saw, sonar pètodhu se nyonarè jhâlânna bhâdhân kaulâ sadhâjâ dari pettengnga kabhudhuwân nujjhu tèra’na kaimanan.
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ وَ لِلّٰهِ اْلحَمْدُ
Maasyiral Muslimin rahimakumullah,
Jhughân dâlem kasempadhân sè sanget ghumbhirâ kakdinto, ngèrèng bhâdhân kaulâ sadhâjâ sami-samia ningkattaghi kaimanan tor katakwaan da’ ajunannèpon Allah SWT kalabân alaksana’aghi sadhâjâ parèntana, tor ajhâui sadhâjâ larangannèpon. Insyaallah ghâpanèka bhâkal dâddhi sangu sè saè dâ’ ka bhâdhân kaulâ sareng ajunan sadhâjâ. Karana sa ghus-bhâghussa sangu kakdinto katakwaan dâ’ ajunannèpon Allah SWT. Dâlem al-Quran ètegghessaghi:
وَتَزَوَّدُوْا فَإِنَّ خَيْرَ الزَّادِ التَّقْوٰىۖ وَاتَّقُوْنِ يٰٓاُولِى الْأَلْبَابِ
Artèèpon: “Nyambiyâ sangu bâkna kabbhi, karana saungghuna sa ghus-bhâghussâ sangu iyâ rèya takwa (rassa tako’ dâ’ Allah SWT). Bân tako’a bâkna kabbhi ka sèngko’, hèy orèng-orèng sè andik akal sèhat”. (QS al-Baqarah: 197)
Ma’asyiral muslimin rahimakumullah,
È arè kakdinto, bhâdhân kaulâ sadhâjâ èpaèmot polè dâ’ pangorbanan Nabi Ibrahim AS sareng potraèpon, Nabi Isma’il AS. Kadhâddhiyân kasebbhut banni sakadhâr dhunggèng namung lalampan abadi sè aghândhu’ nilai-nilai aghung.
Kadhâddhiyân aghung kasebbhut ngajhârrâghi bhâdhân kaulâ sadhâjâ kadhiponapa rajâna ujian tor kaimanan sè kodhu èjhalâni sareng Nabi Ibrahim sareng potraèpon. Kaangghuy lebbi ngaghâli dâ’ dâlemma makna pangorbanan tor kategghuwân iman kasebbhut, ngèrèng bhâdhân kaulâ sadhâjâ kèr-mèkkèr dhâbuèpon Allah Swt dâlem sorat Ash-Shaffat ayat 102 sè aghâmbhârrâghi pètotor aghung è antara kaduwâna:
فَلَمَّا بَلَغَ مَعَهُ السَّعْيَ قَالَ يٰبُنَيَّ اِنِّيْٓ اَرٰى فِى الْمَنَامِ اَنِّيْٓ اَذْبَحُكَ فَانْظُرْ مَاذَا تَرٰىۗ
Artèèpon: “maka è nalèkana dâpa’ anak rowa dâ’ ka omor sè sangghup alako abhâreng (bân Nabi Ibrahim), Nabi Ibrahim adâbu “Hèy anak sèngko’, saongghuna sèngko’ amèmpè jhâ’ sèngko’ nyambhelli bâkna. Maka mèkkèra bâkna, bâramma pamangghina bâkna?”
Jâwâbhânna Nabi Isma’il ongghu nyarepsep ka atè, akadhiyâ terrosanna ayat kasebbhut:
قَالَ يٰٓاَبَتِ افْعَلْ مَا تُؤْمَرُۖ سَتَجِدُنِيْٓ اِنْ شَاۤءَ اللّٰهُ مِنَ الصّٰبِرِيْنَ
Artèèpon: “Anak rowa (Nabi Isma’il) ajâwâb “Hèy eppak abdhina, alakoa ajunan dâ’ ponapa sè èparèntaaghi dâ’ ajunan!, Insyaallah, ajunan bhâkal mangghi’i abdhina tamasok orèng-orèng sè sabbhâr””.
Dâlem ayat kakdinto, bhâdhân kaulâ sadhâjâ nyaksè’è kategghuwânna atè Nabi Ibrahim AS sè tak aghândhu’ kamang-mangan sama sakalè dâlem madâpa’ parèntana Allah Swt dâ’ ka potrana. Laèn dâri kakdinto, Nabi Isma’il AS nuddhuwâghi kapasra’an tor kaikhlasan se langkong aghung, narèma parènta orèng seppona minangka kata’atân dâ’ ajunannèpon Allah Swt. Dhâdhâbu tor pangorbanan kaduwâna ngajhârrâghi bhâdhân kaulâ sadhâjâ kaangghuy terros sabbhâr tor ikhlas è dâlem ngadhebbhi ujiân odi’, berrâ’â kadhiponapa bisaos.
Makoat dâ makna pangorbanan kakdinto, Rasulullah Saw adhâbu:
مَا عَمِلَ ابْنُ آدَمَ يَوْمَ النَّحْرِ عَمَلاً أَحَبَّ إِلَى اللَٰهِ عَزَّ وَجَلَّ مِنْ هِرَاقَةِ دَمٍ، وَإِنَّهُ لَيَأْتِي يَوْمَ الْقِيَامَةِ بِقُرُونِهَا وَأَظْلَافِهَا وَأَشْعَارِهَا، وَإِنَّ الدَّمَ لَيَقَعُ مِنَ اللّٰهِ عَزَّ وَجَلَّ بِمَكَانٍ قَبْلَ أَنْ يَقَعَ عَلَى الأَرْضِ فَطِيْبُوا بِهَا نَفْسًا.
Artèèpon: “Tadâ’ kalakoan è arè Nahr (Idul Adha) sè lebbi èkalèburi sareng Allah Swt katèmbhâng maghili dârâna kèbân kurban. Kèban kurban bhâkal dâteng è arè kiamat kalaban tanduk, koko bân buluna. Ongghu dârâ rowa dâpa’ dâ’ ka Allah sabellunna ghâgghâr ka tana. Maka masoccèa sampèyan kabbhi dâ’ atèna kalabân akurban”. (HR. At-Tirmidzi dan Ibnu Majah)
Hadits kakdinto negghessaghi kadhiponapa sanget parlona pangorbanan dâlem kaodi’ân orèng muslim. Banni sakadhâr ritual, namung sèttong ropa dâlem katakwaan tor kata’atân se tolos.
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ وَ لِلّٰهِ اْلحَمْدُ
Maasyiral Muslimin rahimakumullah,
È jhâman modern kakdinto, ropa tor macemma tantangan atambâ bannya’. Ghudhâ’ân dhunnya, teknologi tor gaya odi’ sè asèfat ma’abi’ (konsumtif) bisa ngèkès kaimanan tor kaikhlasan bhâdhân kaulâ sadhâjâ. Sanaossa bhidhâ kalabân ujian nyata Nabi Ibrahim sareng Nabi Isma’il, inti perjuangan kakdinto tettep sami: kategghuwân iman, kaikhlasan dâlem sèttong amalan, bân kasiapân akorban demmi kabhâghusân.
Perjuanganna Nabi Ibrahim sareng Nabi Isma’il kakdinto parèntana Allah kaangghuy ngorbannaghi parkara sè palèng arghâ. Samentara bhâdhân kaulâ sadhâjâ èuji kalabân ghudhâ’ân dhunnya sè alos. Namung, bhâdhân kaulâ sadhâjâ kodhu noro’ perkembangan jhâman sè tak kalabân kaèlangan nilai aghung sèèwarissaghi sareng kaduwâna (Nabi Ibrahim sareng Nabi Isma’il).
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ وَ لِلّٰهِ اْلحَمْدُ
Maasyiral Muslimin rahimakumullah,
Pangorbanan tak namung kalabân nyambhelli kèbân, tapè jhughân kalabân akorban bâkto, tenaga, arta, bân ego demmi keluarga, masyarakat tor aghâma. Misallèpon, abhânto orèng laèn, ajâgâ amanah, bân aktif dâlem kabhâghusân sosial.
Kalabân agi-bâgi dhâghing kurban dâ’ fakèr mèskèn, bhâdhân kaulâ sadhâjâ negghessaghi hubungan katarètanan bân kepedulian sosial minangka wujud kasih sayang sè kodhu jâgâ areng-sareng.
Ngèrèng bhâdhân kaulâ sadhâjâ adhâddhiyâghina Idul Adha minangka kasempadhân kaangghuy makoat iman sareng kaikhlasan tor maodi’ semangat pangorbanan demmi ngaollè karidlâ’ânnepon Ghustè Allah Swt.
Samoghâ’â Allah Swt narèma sadhâjâ ’ibâdâna bhâdhân kaulâ sadhâjâ, nyapora sadhâjâ dhusa-dhusana bhâdhân kaulâ sadhâjâ tor adhâddhiyâghina bhâdhân kaulâ sadhâjâ mingka kabulâ sè terros masra’aghi abâ’ namung dâ’ Ghuste Allah, tor istiqamah è dâlem alaksana’aghi ‘ibâdâ. Amin ya Rabbal ‘Alamin.
بَارَكَ اللّٰهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ فِى اْلآيَاتِ وَالذِّكْرِ الْحَكِيْمِ، اِنَّهُ هُوَ الْبَرُّ الرَّؤُوْفُ الرَّحِيْمُ. جَعَلَنَا اللّٰهُ وَإِيَّاكُمْ مِنَ السُّعَدَآءِ المَقْبُوْلِيْنَ، وَأَدْخَلَنَا وَإِيَّاكُمْ فِيْ زُمْرَةِ عِبَادِهِ المُتَّقِيْنَ، وَتَقَبَّلَ مِنِّي وَمِنْكُمْ تِلاَوَتَهُ، إِنَّهُ هُوَ السَّمِيْعُ العَلِيْمِ، وَقُلْ رَبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ. آمِيْن.
وَ أَقُوْلُ قَوْلِي هَذَا فَأَسْتَغْفِرُ اللهَ العَظِيْمَ لِيْ وَ لَكُمْ وَ لِسَآئِرِ الْمُسْلِمِيْنَ وَ الْمُسْلِمَاتِ وَالمُؤْمِنِيْنَ وَ المُؤْمِنَاتِ. إِنَّهُ هُوَ الغَفُوْرُ الرَّحِيْمُ.
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ وَ لِلّٰهِ اْلحَمْدُ.
#Khutbah II
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ.
اَلْحَمْدُ لِلهِ الَّذِيْ أَمَرَنَا بِالْإِصْلَاحِ، وَحَثَّنَا عَلَى الصَّلَاحِ، وَبَيَّنَ لَنَا سُبُلَ الْفَلَاحِ، وَأَشْهَدُ أَنْ لَآ إِلٰهَ إِلَّا اللّٰهُ وَحْدَهُ لَا شَرِيْكَ لَهُ وَأَشْهَدُ أَنَّ سَيِّدَنَا مُحَمَّدًا عَبْدُ اللّٰهِ وَرَسُولُهُ. اللّٰهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ، وَعَلَى أٰلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ.
أَمَّا بَعْدُ: فَيَآ أَيُّهَا النَّاسُ أُوْصِيْكُمْ وَنَفْسِيْ بِتَقْوَى اللّٰهِ، إنَّ اللّٰهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَنَّى فِيْهِ بِمَلَائِكَتِهِ. فقَالَ تَعَالَى: ﴿اِنَّ اللّٰهَ وَمَلٰۤىِٕكَتَهٗ يُصَلُّوْنَ عَلَى النَّبِيِّۗ يٰٓاَيُّهَا الَّذِيْنَ اٰمَنُوْا صَلُّوْا عَلَيْهِ وَسَلِّمُوْا تَسْلِيْمًا﴾ اللّٰهُمَّ صلِّ وَسَلِّمْ وَبَارِكْ عَلَى سَيِّدِنَا وَنَبِيِّنَا مُحَمَّدٍ وَعَلَى أٰلِهِ وَصَحْبِهِ أَجْمَعِيْنَ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ.
اللّٰهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ الْأَحْيَآءِ مِنْهُمْ وَاْلأَمْوَاتِ. اللّٰهُمَّ أَصْلِحْ لَنَا دِيْنَنَا الَّذِيْ هُوَ عِصْمَةُ أَمْرِنَا، وَأَصْلِحْ لَنَا دُنْيَانَا الَّتِيْ فِيْهَا مَعَاشُنَا وَأَصْلِحْ لَنَا أَخِرَتَنَا الَّتِيْ فِيْهَا مَعَادُنَا، وَاجْعَلِ الْحَيَاةَ زِيَادَةً لَنَا فِيْ كُلِّ خَيْرٍ. اللّٰهُمَّ لَا تَدَعْ لَنَا ذَنْبًا إِلَّا غَفَرْتَهُ، وَلَا دَيْنًا إِلَّا قَضَيْتَهُ، وَلَا مَرِيْضًا إِلَّا شَفَيْتَهُ، وَلَا حَاجَةً مِنْ حَوَآئِجِ الدُّنْيَا إِلَّا قَضَيْتَهَا وَيَسَّرْتَهَا لَنَا يَا أَكْرَمَ الْأَكْرَمِيْنَ، وَيَا أَرْحَمَ الرَّاحِمِيْنَ. اللّٰهُمَّ ادْفَعْ عَنَّا اْلبَلَآءَ وَاْلوَبَآءَ وَالزَّلاَزِلَ وَاْلمِحَنَ، وَسُوْءَ اْلفِتْنَةِ وَاْلمِحَنَ، مَا ظَهَرَ مِنْهَا وَمَا بَطَنَ، عَنْ بَلَدِنَا هَذَا إِنْدُونِيْسِيَّا خآصَّةً وَسَآئِرِبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ.
رَبَّنَا ظَلَمْنَا أَنْفُسَنَا وَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ، رَبَّنَا آتِنَا فِي الدُّنْيَا حَسَنَةً وَفِي اْلأٰخِرَةِ حَسَنَةً وَقِنَا عَذَابَ النَّارِ وَالْحَمْدُ لِلَّهِ رَبِّ الْعَالَمِيْنَ.
عِبَادَ اللّٰهِ، إِنَّ اللّٰهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبَى وَيَنْهَى عَنِ اْلفَحْشَآءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللّٰهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللّٰهِ أَكْبَرُ.
اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ
Diterjemahkan dari website NU Banyumas
Penyusun: Muhammad Shodiq Ma’mun, S.Sos (Penyuluh Agama Islam Kecamatan Ajibarang)
Judul Asli: Khutbah Idul Adha 1446 H: Pengorbanan Ibrahim dan Ismail di Era Modern
Alih Bahasa: Tim LTNNU PCNU Sumenep
File khutbah di atas dalam bentuk PDF ukuran A4, klik tombol di bawah ini.
